„Neind Thing byggir á þrá okkar til þess að frelsast frá öngum nútímans, vonleysi gagnvart distópískri framtíð, stöðugu áreiti miðla og ekki síst þversagnakenndum og athyglistelandi netheimi,“ segir í tilkynningu um verkið.
„Leikurinn er: Neitið og þér munið finna; nýja neind, nýtt zen, nýjar leiðir, nýja vini, ný lönd, nýjar hugmyndir, nýtt everything.“
Inga Huld Hákonardóttir er einn framsæknasti danshöfundur landsins og hefur unnið víða á hinni alþjóðlegu dans- og gjörningasenu. Dansarar í verkinu eru þær Salvör Gullbrá Þórarinsdóttir, Védís Kjaratansdóttir og Inga Huld Hákonardóttir. Ægir Sindri Bjarnason fer með lifandi tónlist og Arnar Ingvarsson sér um lifandi lýsingu. Guðný Hrund Sigurðardóttir sér um leikmyndahönnun.
