Kvöldfréttir Stöðvar 2

Þá fjöllum við um nýjan þjark sem lögreglan hefur tekið í notkun en hann mun auðvelda innheimtu sekta til muna. Með mikilli fjölgun hraðamyndavéla var á stundum orðið erfitt að anna verkinu. Hraðasektir ættu nú að skila sér jafnvel á innan við korteri í heimabanka fólks.

Við ræðum einnig við unga transkonu sem brotið var á tvívegis á árinu en hún segir ákveðna nauðgunarmenningu ríkja hér á landi með tilliti til trans kvenna. Litið sé á þær sem einhvers konar blæti og að varpa þurfi ljósi á vandann. 

Þá verðum við í beinni frá miðbænum á þriðja sunnudegi í aðventu og kíkjum á ljósmyndasýningu. Þetta og margt fleira á samtengdum rásum Stöðvar 2 og Bylgjunnar á slaginu 18:30.