Meistararnir búnir að fylla í stóru skörðin?

Þar verður nýr leikmaður kynntur til sögunnar hjá Víkingum en samkvæmt heimildum Fótbolta.net er þar um að ræða sænska varnarmanninn Oliver Ekroth.

Víkingar hafa leitað logandi ljósi að varnarmönnum í vetur enda hafa þrír varnarmenn horfið á braut í vetur eftir að hafa átt stóran þátt í góðu gengi Víkings í fyrra.

Það eru gömlu jaxlarnir Kári Árnason og Sölvi Geir Ottesen, sem lögðu skóna á hilluna og vinstri bakvörðurinn bráðefnilegi Atli Barkarson sem gekk til liðs við danska úrvalsdeildarliðið SönderjyskE á dögunum.

Þeir tveir fyrrnefndu léku mest í stöðu miðvarðar og er Ekroth væntanlega ætlað að fylla þeirra skarð ásamt Kyle McLagana sem fenginn var frá Fram í vetur.

Ekroth þessi er þrítugur og var fastamaður í vörn Degerfors í sænsku úrvalsdeildinni á síðustu leiktíð.