Viðskipti erlent

Skapari GIF-sins er fallinn frá

Atli Ísleifsson skrifar
Stephen Wilhite tók við heiðursverðlaunum Webby-verðlaunanna árið 2013.
Stephen Wilhite tók við heiðursverðlaunum Webby-verðlaunanna árið 2013. AP

Bandaríski tölvunarfræðingurinn Stephen Wilhite, sem þekktastur er fyrir að hafa fundið upp GIF-ið, er látinn, 74 ára að aldri. Hann lést af völdum COVID-19.

CNN segir frá því að Wilhite hafi fundið upp myndasniðið, sem styður hreyfimyndir, árið 1987 og hefur það notið mikilla vinsælda í netheimum síðan.

Kathaleen R. Wilhite, eiginkona Wilwite segir hann hafa verið mjög góðan mann sem hafi haft yndi af ferðalögum og útilegum.

Wilwite tók á ferli sínum við heiðursverðlaunum Webby-verðlaunanna New York árið 2013 en hann lét af störfum sem könnuður America Online árið 2001.

Wilwite benti nokkrum sinnum á að fólk væri ítrekað ekki að bera GIF rétt fram. „Þetta er mjúkt G, borið fram „jif“.“

Bandaríkin Andlát Tækni


Mest lesið


Fleiri fréttir

Sjá meira


×

Mest lesið