Sveinn Aron með tvennu og Davíð Kristján skoraði glæsimark

Sveinn Aron Guðjohnsen átti afar góða innkomu af bekknum hjá Elfsborg sem vann 4-1 sigur á Varnamo.

Sveini var skipt inná á 70.mínútu og það tók hann aðeins sjö mínútur að hlaða í tvennu en hann gerði seinni tvö mörk Elfsborg eins og sjá má hér neðst í fréttinni.

Davíð Kristján Ólafsson var atkvæðamikill í 2-0 sigri Kalmar á Degerfors en Davíð lagði upp fyrra mark Kalmar og skoraði það síðara sem sjá má hér neðst í fréttinni.

Valgeir Lunddal Friðriksson var í byrjunarliði Hacken sem beið lægri hlut fyrir Gautaborg, 0-2.