Þing­mönnum Mið­flokks fjölgar tíma­bundið á kostnað Sjálf­stæðis­manna

Birgir var kjörinn á þing fyrir Miðflokkinn síðsta haust en greindi frá því í október að hann hefði ákveðið að yfirgefa flokkinn og ganga í Sjálfstæðisflokkinn. Var hann harðlega gagnrýndur fyrir að hafa vistaskipti svo skömmu eftir kosningar en fagnað af nýjum samflokksmönnum.

Þegar hann greindi frá flokksskiptum sínum sagði Birgir að Erna, varaþingmaður sinn, hefði ákveðið að fylgja honum yfir í Sjálfstæðisflokkinn. Erna sagði hins vera frá því í Bítinu á Bylgjunni skömmu seinna að hún ætlaði að vera kyrr í Miðflokknum.

„Hún hefur greinilega skipt um skoðun og ég held að það sé partur af þeirri hörðu umræðu sem hefur verið í samfélaginu og haft mikil áhrif á hana,“ sagði Birgir við Morgunútvarp Rásar 2 sama dag.

Erna situr sinn fyrsta þingfund í dag, þar sem gera má ráð fyrir að salan á hlut ríkisins í Íslandsbanka verði rædd í óundirbúnum fyrirspurnatíma.