Vopnað rán í apó­teki í vestur­bæ Reykja­víkur

Að sögn lögreglu fóru tveir einstaklingar inn í apótek í hverfinu og ógnuðu starfsfólki með hníf. Þeir náðu einhverjum lyfjum og hlupu á brott en voru handteknir stuttu síðar og gista nú fangageymslur.

Í dagbók lögreglu segir að um klukkan 18 í gærkvöldi hafi verið tilkynnt um stuld á bíl en þar hafði lyklunum að bílnum verið stolið úr jakka í starfsmannaðstöðu verslunar í Kópavogi.

„Jafnframt voru tekin greiðslukort og þau misnotuð. Grunaður í málinu og bifreiðin fundust stuttu síðar og gistir aðilinn fangageymslu lögreglu,“ segir í tilkynningunni.