Brynjar Björn skrifaði undir þriggja ára samning við HK í fyrra, en samkvæmt heimildum Fótbolta.net er hann nú á leið til Svíþjóðar til að taka við Örgryte.
Þjálfarinn þekkir vel til hjá Örgryte, enda lék hann með félaginu árið 1999 áður en hann gekk í raðir Stoke.
Brynjar hefur verið við stjórnvölin hjá HK í fjögur ár, en tekur nú við erfiðu búi hjá Örgryte. Félagið hefur byrjað illa í sænsku B-deildinni og hefur aðeins fengið tvö stig í fyrstu sjö leikjum sínum.
