Priscilla Presley er alsæl með myndina um kónginn Elvis sem hlaut tólf mínútna lófatak

12 mínútna lófaklapp í Cannes

„Ég er að koma heim af kvikmyndahátíðinni í Cannes. Kvikmynd Baz Luhrmanns, Elvis, fékk 12 mínútna uppreist lófaklapp. Það var ekki autt sæti í stóra leikhúsinu að meðtöldum svölunum. Mér skilst að þetta hafi verið lengsta lófaklapp sem nokkru sinni hefur verið eftir kvikmynd. 

Frammistaða leikarans Austin Butler sem Elvis var dáleiðandi,“

sagði Pricilla Presley eftir forsýningu myndarinnar í Cannes. Pricilla virðist vera afar hamingjusöm með leikaravalið og fór hún meðal annars með Austin á Met Gala. Hér að neðan má sjá myndband af lófatakinu og þeim sem komu að myndinni og fjölskyldu Elvis fagna saman.

Hrósar Austin Butler og Tom Hanks

Eftir að hún sá myndina í fyrsta skipti á sérstakri einkasýningu skrifaði hún fallega færslu um það hversu vel myndin næði að segja sögu Elvis og hrósaði Austin Butler og Tom Hanks fyrir leik sinn:

„Austin Butler, sem lék Elvis, er framúrskarandi. Þegar myndin var hálfnuð horfðum við Jerry á hvort annað og sögðum VÁ!!! Bravó til hans ... hann vissi að hann væri að feta í stór spor. Hann var ákaflega stressaður við að leika þetta hlutverk. Ég get aðeins ímyndað mér. Tom Hanks var Col Parker í þessari mynd. Þvílíkur karakter sem hann var.“

Dóttir hans sátt

Dóttir kóngsins Lisa Marie Presley er líka sátt við túlkun leikarans á föður sínum: „Að mínu hógværa mati er frammistaða hans fordæmalaus og LOKSINS unnin af nákvæmni og virðingu.“

Elvis verður frumsýnd hér á landi þann 24. Júní og eru eflaust margir aðdáendur sem eru spenntir að læra meira um líf kóngsins.

Baz Luhrmann

„Sagan, eins og við vitum öll, hefur ekki góðan endi. En ég held að þú eigir eftir að skilja aðeins meira af ferð Elvis, skrifað af leikstjóra sem lagði hjarta sitt og sál og margar klukkustundir í þessa mynd,“ sagði Pricilla einnig í færslunni. Baz Luhrmann er einnig maðurinn á bak við myndirnar The Great Gatsby og Moulin Rouge.

Lisa Marie tók í sama streng og móðir sín: „Þú getur fundið fyrir og orðið vitni að þeirri hreinu ást, umhyggju og virðingu sem Baz hefur fyrir föður mínum í gegnum þessa fallegu mynd, og það er loksins eitthvað sem ég og börnin mín og börn þeirra geta verið stolt af að eilífu.“

Setti lífið á Pásu

Leikarinn Austin Butler gaf sig allan í hlutverkið og eyddi miklum tíma í það að reyna að skilja einstaklinginn á bak við tónlistarmanninn sem allir þekkja.

„Ég setti í rauninni allt annað í lífinu á pásu í tvö ár og reyndi að draga í mig alla vitneskju sem ég gat,“

sagði Austin um hlutverkið. Hann ber mikla virðingu fyrir manninum sem Elvis var og vildi koma honum rétt til skila. Bæði leikarinn og kóngurinn sjálfur misstu móður sína þegar þeir voru 23 ára gamlar og segist Austin hafa fengið hroll við að heyra það og gat tengt við lífsreynsluna. 

Daginn eftir að tökum lauk í hlutverkinu sem Elvis byrjaði líkami Austin að gefa sig og endaði hann inn á spítala. „Daginn eftir vaknaði ég klukkan fjögur um nóttina með hræðilegan verk og var fluttur í hraði á spítalann,“ sagði hann

„Líkaminn minn byrjaði að slökkva á sér daginn eftir að ég kláraði Elvis,“

sagði hann en sem betur fer var um vírus að ræða sem hann er búinn að komast yfir í dag.

Barnabörnin stolt

Lisa Marie Presley segir börnin sín einnig vera stolt af myndinni og afa sínum eftir að hafa séð hana. Hún bætir því þó við að hún sé leið að sonur hennar Benjamin Keough hafi ekki verið viðstaddur og getað upplifað myndina en hann tók sitt eigið líf árið 2020 aðeins tuttugu og sjö ára gamall.