Einar Bollason mættur til Boston: „Eins og ég sé sjálfur að fara að spila úrslitaleik“ Kjartan Atli Kjartansson skrifar 10. júní 2022 10:02 Einar Bollason er í Boston vegna úrslitaeinvígisins í NBA-körfuboltanum, að sjálfsögðu vel merktur sínu liði. Stöð 2 Körfuboltagoðsögnin og einn harðasti stuðningsmaður Boston Celtics á Íslandi, Einar Bollason, er mættur til Boston vegna lokaúrslitanna í NBA. Einar, sem um árabil lýsti NBA-leikjum á Stöð 2, hefur verið stuðningsmaður Celtics í áratugi, eða allt frá því að hann fór með íslenska landsliðinu til Boston um miðjan sjöunda áratug síðustu aldar. Hann segist sjálfur vera orðinn stressaður fyrir leiknum sem fram fer í kvöld og að honum líði jafnvel eins og hann sé sjálfur að spila. Með tölfræðina á hreinu Boston er 2-1 yfir í einvíginu eftir sigur í þriðja leiknum sem fram fór aðfaranótt fimmtudags að íslenskum tíma. Einar segir bjartsýnina hafa aukist við sigurinn eins og hann rekur í viðtalinu sem sjá má í spilaranum hér að neðan. Klippa: Einar Bolla í Boston Einar er með tölfræðina á hreinu og bendir á að í 82 prósent tilvika í sögu lokaúrslita NBA hafi lið sem kemst 2-1 yfir staðið uppi sem sigurvegari. „En þá eru eftir 18 prósent,“ segir hann og hlær. Einar ferðaðist til borgarinnar til þess að upplifa stemninguna í borginni ásamt eiginkonu sinni. Í gær, þegar viðtalið var tekið, sagðist hann ekki enn vera öruggur með miða á leikinn: „En það breytir engu, maður hittir bara þá allt liðið og vafrar um og drekkur í sig stuðið,“ segir hann og hlær. Varð Celtics-aðdáandi vegna landsliðsferðar Einar segist hafa orðið aðdáandi Celtics árið 1964 þegar hann fór í ferð með íslenska landsliðinu til Boston. Liðið dvaldi í Bandaríkjunum í þrjár vikur og lék fjölda leikja við háskólalið. „Hápunkturinn í ferðinni var ekki endilega að vinna svo marga leiki heldur var okkur vel tekið í Boston Garden. Við vorum þar í boði Red Auerbach og horfðum á Bill Russell spila á móti [Wilt] Chamberlain. Síðan vorum við kynntir alveg sérstaklega og Auerbach kom og tók í höndina á okkur og [John] Havlicek, ég gleymi því aldrei. Menn þvoðu sér ekki í margar vikur á eftir. Ég held að það hafi ekki nokkur maður í íslenska landsliðinu þá ekki orðið brjálaður Boston-maður,“ rifjar Einar upp. Það verður mikið líf í TD Garden í kvöld rétt eins og þegar þriðji leikur úrslitanna fór fram í vikunni.Getty Þess má geta að Red Auerbach vann níu titla sem þjálfari Celtics og er ein helsta goðsögn í sögu Celtics. Sama má segja um Bill Russell, sem vann ellefu titla með Celtics, þar af einn sem spilandi þjálfari. Russell er af mörgum talinn einn af allra bestu leikmönnum í sögu NBA-deildarinnar. Wilt Chamberlain sem Einar nefnir einnig til sögunnar á það á ferilskrá sinni að hafa skorað 100 stig í sama leiknum og er tölfræðilega einn sá allra besti sem hefur reimað á sig skóna og haldið út á NBA-parket. John Havlicek var sömuleiðis goðsögn í körfubolta, hann er yfirleitt nefndur sem fyrsti „sjötti maður“ deildarinnar. Hann hafði það hlutverk að koma af varamannabekknum og breyta leikjum. Það gekk vel, enda varð hann átta sinnum meistari í deildinni og var valinn mikilvægasti leikmaður lokaúrslitanna 1974. Eins og hann sé sjálfur að fara að spila Einar, sem lék marga úrslitaleiki um ævina, er spenntur fyrir fjórða leiknum í einvíginu. „Mér líður eins og ég sé sjálfur að fara að spila úrslitaleik. Ég orðinn þurr í munninum og svona,“ segir hann og hlær. Leikurinn er afar mikilvægur í huga Einars: „Ef við myndum fara til San Fransisco 3-1 yfir, það yrði alveg stórkostlegt.“ Fjórði leikur lokaúrslitanna í NBA fer fram eftir miðnætti í nótt. Útsending á Stöð 2 Sport hefst klukkan 00:25 og verður upphitunin bæði úr myndveri Stöðvar 2 Sports á Suðurlandsbraut og úr TD Garden, heimavelli Boston Celtics. NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði. NBA Körfubolti Tengdar fréttir Þríeykið sá til þess að Boston er komið yfir í úrslitaeinvíginu Stjörnur Boston Celtics stigu heldur betur upp er liðið komst 2-1 yfir í úrslitaeinvígi NBA-deildarinnar í körfubolta í nótt. Alls skoruðu Jayson Tatum, Jaylen Brown og Marcus Smart 77 stig er Boston vann Golden State Warriors með sextán stiga mun, lokatölur 116-100. 9. júní 2022 07:31 Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Sjáðu ótrúlega vörslu Raya og öll mörkin úr Meistaradeildinni Fótbolti Elín Klara og Sara Sif sáu um Stjörnuna Handbolti Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Einar, sem um árabil lýsti NBA-leikjum á Stöð 2, hefur verið stuðningsmaður Celtics í áratugi, eða allt frá því að hann fór með íslenska landsliðinu til Boston um miðjan sjöunda áratug síðustu aldar. Hann segist sjálfur vera orðinn stressaður fyrir leiknum sem fram fer í kvöld og að honum líði jafnvel eins og hann sé sjálfur að spila. Með tölfræðina á hreinu Boston er 2-1 yfir í einvíginu eftir sigur í þriðja leiknum sem fram fór aðfaranótt fimmtudags að íslenskum tíma. Einar segir bjartsýnina hafa aukist við sigurinn eins og hann rekur í viðtalinu sem sjá má í spilaranum hér að neðan. Klippa: Einar Bolla í Boston Einar er með tölfræðina á hreinu og bendir á að í 82 prósent tilvika í sögu lokaúrslita NBA hafi lið sem kemst 2-1 yfir staðið uppi sem sigurvegari. „En þá eru eftir 18 prósent,“ segir hann og hlær. Einar ferðaðist til borgarinnar til þess að upplifa stemninguna í borginni ásamt eiginkonu sinni. Í gær, þegar viðtalið var tekið, sagðist hann ekki enn vera öruggur með miða á leikinn: „En það breytir engu, maður hittir bara þá allt liðið og vafrar um og drekkur í sig stuðið,“ segir hann og hlær. Varð Celtics-aðdáandi vegna landsliðsferðar Einar segist hafa orðið aðdáandi Celtics árið 1964 þegar hann fór í ferð með íslenska landsliðinu til Boston. Liðið dvaldi í Bandaríkjunum í þrjár vikur og lék fjölda leikja við háskólalið. „Hápunkturinn í ferðinni var ekki endilega að vinna svo marga leiki heldur var okkur vel tekið í Boston Garden. Við vorum þar í boði Red Auerbach og horfðum á Bill Russell spila á móti [Wilt] Chamberlain. Síðan vorum við kynntir alveg sérstaklega og Auerbach kom og tók í höndina á okkur og [John] Havlicek, ég gleymi því aldrei. Menn þvoðu sér ekki í margar vikur á eftir. Ég held að það hafi ekki nokkur maður í íslenska landsliðinu þá ekki orðið brjálaður Boston-maður,“ rifjar Einar upp. Það verður mikið líf í TD Garden í kvöld rétt eins og þegar þriðji leikur úrslitanna fór fram í vikunni.Getty Þess má geta að Red Auerbach vann níu titla sem þjálfari Celtics og er ein helsta goðsögn í sögu Celtics. Sama má segja um Bill Russell, sem vann ellefu titla með Celtics, þar af einn sem spilandi þjálfari. Russell er af mörgum talinn einn af allra bestu leikmönnum í sögu NBA-deildarinnar. Wilt Chamberlain sem Einar nefnir einnig til sögunnar á það á ferilskrá sinni að hafa skorað 100 stig í sama leiknum og er tölfræðilega einn sá allra besti sem hefur reimað á sig skóna og haldið út á NBA-parket. John Havlicek var sömuleiðis goðsögn í körfubolta, hann er yfirleitt nefndur sem fyrsti „sjötti maður“ deildarinnar. Hann hafði það hlutverk að koma af varamannabekknum og breyta leikjum. Það gekk vel, enda varð hann átta sinnum meistari í deildinni og var valinn mikilvægasti leikmaður lokaúrslitanna 1974. Eins og hann sé sjálfur að fara að spila Einar, sem lék marga úrslitaleiki um ævina, er spenntur fyrir fjórða leiknum í einvíginu. „Mér líður eins og ég sé sjálfur að fara að spila úrslitaleik. Ég orðinn þurr í munninum og svona,“ segir hann og hlær. Leikurinn er afar mikilvægur í huga Einars: „Ef við myndum fara til San Fransisco 3-1 yfir, það yrði alveg stórkostlegt.“ Fjórði leikur lokaúrslitanna í NBA fer fram eftir miðnætti í nótt. Útsending á Stöð 2 Sport hefst klukkan 00:25 og verður upphitunin bæði úr myndveri Stöðvar 2 Sports á Suðurlandsbraut og úr TD Garden, heimavelli Boston Celtics. NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.
NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.
NBA Körfubolti Tengdar fréttir Þríeykið sá til þess að Boston er komið yfir í úrslitaeinvíginu Stjörnur Boston Celtics stigu heldur betur upp er liðið komst 2-1 yfir í úrslitaeinvígi NBA-deildarinnar í körfubolta í nótt. Alls skoruðu Jayson Tatum, Jaylen Brown og Marcus Smart 77 stig er Boston vann Golden State Warriors með sextán stiga mun, lokatölur 116-100. 9. júní 2022 07:31 Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Sjáðu ótrúlega vörslu Raya og öll mörkin úr Meistaradeildinni Fótbolti Elín Klara og Sara Sif sáu um Stjörnuna Handbolti Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Þríeykið sá til þess að Boston er komið yfir í úrslitaeinvíginu Stjörnur Boston Celtics stigu heldur betur upp er liðið komst 2-1 yfir í úrslitaeinvígi NBA-deildarinnar í körfubolta í nótt. Alls skoruðu Jayson Tatum, Jaylen Brown og Marcus Smart 77 stig er Boston vann Golden State Warriors með sextán stiga mun, lokatölur 116-100. 9. júní 2022 07:31