Mynda­veisla: Ís­lands­meistara­mótið í flon­kyball

Mikil stemning var á mótinu sem stóð yfir frá kl 14.00 og þar til úrslitaleikurinn var spilaður kl 17.00. Það var liðið „Tequila Sunguys“ sem stóðu uppi sem sigurvegarar. Liðið „Brúðirnar“ unnu fyrir bestu búningana en þetta er fimmta árið í röð sem liðið tekur heim sigurinn í þeim flokki.

Um leikinn

Flonkyball er spilaður í tveimur fimm manna liðum og svipar uppsetning leiksins til Kubbs þar sem tvö lið standa á móti hvort öðru á tíu metra löngum velli og það er flaska í miðjunni.

Liðin skiptast á að reyna að hitta bolta í flöskuna. Ef einhver úr þínu liði nær að fella flöskuna mega allir í þínu liði drekka úr sínum bjór alveg þangað til hitt liðið er búið að reisa flöskuna við og hlaupa aftur yfir línuna sín megin. Svo vinnur það lið sem klárar bjórinn sinn á undan.

„Við fengum gott veður og frábært mót í ár, allir í góðum gír og þetta var bara geggjað,“ segir Davíð sem var einn af mótshöldurunum.

Hér að neðan má sjá myndaveislu frá mótinu: