Það var markamaskínan Vivianna Miedema, leikmaður Arsenal, sem skoraði bæði mörk Hollendinga og tryggði liðinu góðan 2-0 sigur.
Hollendingar verða í C-riðli þegar flautað verður til leiks á EM næstkomandi miðvikudag. Með þeim í riðli eru Svíþjóð, Portúgal og Sviss, en fyrsti leikur liðsins er gegn Svíum þann 9. júlí.
Finnar eru í B-riðli með Spánverjum, Dönum og Þjóðverjum, en fyrsti leikur þeirra er gegn Spánverjum þann 8. júlí.
