„Það verða hrikalega flott lið og skemmtilegir keppendur í þessari seríu,“ segir Björn. Hann lofar mikilli skemmtun og spennu.
Nú getum við loksins afhjúpað þau lið sem keppa í annarri þáttaröð af Kviss. Keppendurna má sjá í myndbandinu hér fyrir neðan.
„Flestir keppendurnir eru auðvitað glænýir en svo buðum við nokkrum sem fólk kannast við úr fyrstu þáttaröðinni að eiga endurkomu. Þar erum við að tala um fólk sem hefur aldrei beðið þess bætur að hafa tapað í Kviss og þurfti að fá að spreyta sig aftur,“ segir Björn í samtali við Vísi.
Stórslagur í fyrsta þætti
Það verður sannkallaður stórveldaslagur í fyrstu viðureigninni en þar eigast við FH og KR, en síðarnefnda félagið stóð uppi sem sigurvegari í síðustu þáttaröð. Fyrir hönd FH keppa leikarinn Björn Stefánsson og tónlistarkonan Svala Björgvinsdóttir en í liði KR eru tónlistarmaðurinn Aron Kristinn Jónasson úr hljómsveitinni ClubDub og fjölmiðlakonan Nadine Guðrún Yaghi.
Björn segir gaman að sjá hversu mikið keppnisskap er í keppendum þáttarins.
„Kviss kallar fram allar bestu og verstu hliðar fólks. Ég elska hversu oft keppnirnar eru að ráðast á lokaspurningunni og að sjá fólk sem er þaulvant því að koma fram í algjöru stresskasti að reyna að svara úrslitaspurningunni.“
Liðin 16 sem keppa í þáttaröðinni:
- KA : Íris Tanja Flygenring og Vilhelm Anton Jónsson
- Skallagrímur : Kristín Sif Björgvinsdóttir og Magnús Scheving
- Fram : Birta Líf Ólafsdóttir og Sigurður Þór Óskarsson
- Grótta : Egill Ploder Ottósson og Níels Thibaud Girerd
- Afturelding : Halldór Laxness Halldórsson (Dóri DNA) og Steinþór Hróar Steinþórsson (Steindi Jr.)
- Breiðablik : Eva Ruza Miljevic og Gerður Huld Arinbjarnardóttir
- Fjölnir : Aron Can og Júlíana Sara Gunnarsdóttir
- Víkingur : Aron Már Ólafsson og Anna Svava Knútsdóttir
- Valur : Jóhann Kristófer Stefánsson og Kristófer Acox
- Leiknir : Hannes Þór Halldórsson og Anna Lára Orlowska
- FH : Björn Stefánsson og Svala Björgvinsdóttir
- KR : Aron Kristinn Jónasson og Nadine Guðrún Yaghi
- Keflavík : Sólborg Guðbrandsdóttir og Ragga Holm
- Þór Þorlákshöfn : Þórdís Björk Þorfinnsdóttir og Júlí Heiðar Halldórsson
- Stjarnan : Rósa Kristinsdóttir og Vala Kristín Eiríksdóttir
- Selfoss : Ása Ninna Pétursdóttir og Atli Fannar Bjarkason
Kviss er stórskemmtilegur spurningaþáttur þar sem þekktir Íslendingar keppa fyrir hönd íþróttafélaganna sem þeir styðja. Þótt liðin skiptist eftir íþróttafélögum er ekki um íþróttaþátt að ræða, heldur eru spurningar úr öllum áttum.
Keppendur eru ekki íþróttafólk heldur nægir að þeir hafi alist upp í hverfi íþróttafélagsins eða hafi æft íþróttir með félaginu á yngri árum. Liðin sem vinna sínar viðureignir halda áfram leik þar til eitt lið stendur uppi sem sigurvegari og verður krýnt Íslandsmeistari í Kviss.
