Búið er að bera kennsl á lík sem fannst í fjörunni við Gróttuvita á Seltjarnarnesi á sunnudag. Aðstandendur hafa verið látnir vita að sögn aðstoðaryfirlögregluþjóns.
Þetta staðfesti Margeir Sveinsson, aðstoðaryfirlögregluþjónn hjá lögreglunni á höfuðborgarsvæðinu, í samtali við mbl.is í gærkvöldi. Búið er að láta aðstandendur vita.
Að sögn Margeirs mun það liggja fyrir eftir frekari rannsóknir og krufningu hversu lengi viðkomandi var í sjónum en ítrekaði að andlátið hefði ekki borið að með saknæmum hætti.
Lík fannst í fjörunni við Gróttu á Seltjarnarnesi á ellefta tímanum í dag. Vakthafandi lögregluþjónn hjá miðlægri rannsóknardeild staðfestir þetta í samtali við fréttastofu. Gangandi vegfarendur sem komu auga á líkið höfðu samband við lögreglu.
