Jóhannes Haukur fékk senda klippu af sér á klámsíðu

„Það litla myndbrot rataði inn á einhverja þýska hommaklámsíðu. Einn félagi minn sem hneigist í þá áttina varð var við þetta þegar hann var á sínu surfi um netið að leita sér að efni,“ sagði Jóhannes Haukur. Aðspurður hvernig tilfinningin hafði verið sagði hann „Mér fannst svona brotið á mér en ég var líka svona flattered sko.

Hann sendi mér linkinn bara, þú ert hérna á þýskri síðu sem að ég kíki reglulega á,“ segir hann um uppgötvunina.

Tíu stólar á viku brotnir á bakinu á Maríu Birtu

Leikkonan María Birta hefur búið erlendis í tíu ár og býr núna í borginni Las Vegas. Þar hefur hún tekið þátt í leiksýningu í þrjú ár. Í hverri sýningu er brotinn stóll á bakinu á henni. „Það eru tíu stólar á viku og það tekur sinn toll líka.“ Hún rifjar upp hvernig hún hefur tvisvar dottið úr lið. 

Um helgina fagnar hún þúsundustu sýningunni og hafa því þúsund stólar verið brotnir á bakinu á henni, fyrir utan þá sem voru notaðir á æfingum. 

Hér er þátturinn í heild sinni: