Chelsea og Brentford gerðu markalaust jafntefli í ensku úrvalsdeildinni í kvöld og Graham Potter er því áfram ósigraður hjá Chelsea eftir að hann tók við liðinu af Thomas Tuchel í september.
Ivan Toney komst nærst því að skora í fyrri hálfleik en Kepa Arrizabalaga, markvörður Chelsea, varði kollspyrnu hans naumlega.
Kepa virðist vera að ganga í gegnum endurnýjun lífdaga undir stjórn Potter hjá Chelsea en markvörðurinn hefur leikið alla leiki Chelsea síðan Potter tók við og hefur staðið sig frábærlega með fimm hrein lök í síðustu fimm leikjum í öllum keppnum.
Gestirnir sóttu meira undir lok leiks en tókst þó ekki að koma boltanum framhjá David Raya, markverði Brentford. Lokaniðurstaðan varð því 0-0.
Chelsea er í 4. sæti úrvalsdeildarinnar með 20 stig eftir jafnteflið en Chelsea hefur leikið 10 leiki í deildinni. Brentford er á sama tíma með 14 stig í 9. sæti eftir 11 leiki.
