Lífið

Sigurvegari Idol fær tvær milljónir og plötusamning

Sylvía Rut Sigfúsdóttir skrifar
Frá Idol dómaraprufunum. Dómnefndina skipa Herra Hnetusmjör, Birgitta Haukdal, Daníel Ágúst og Bríet.
Frá Idol dómaraprufunum. Dómnefndina skipa Herra Hnetusmjör, Birgitta Haukdal, Daníel Ágúst og Bríet. Vísir/Vilhelm

Fyrstu dómaraprufum Idol er lokið en í næstu viku stíga keppendur á svið fyrir framan dómnefndina. Verður þar ákveðið hverjir komast í lokahópinn. 

Hátt í þúsund sóttu um að fá að taka þátt í Idol í ár. Um hundrað hæfileikaríkir einstaklingar fóru fyrir framan dómarana. Nokkrir þeirra munu síðan ná alla leið í lokaþættina sem sendir verða út í beinni útsendingu frá Gufunesi.

Íslendingar fá að fylgjast með þeim og þeirra vegferð í Idolinu sem hefst 25. nóvember á Stöð 2.

Það er til mikils að vinna fyrir þau sem munu syngja í beinni útsendingu fyrir þjóðina. Næsta Idol stjarna Íslands tekur stórt skref í sínum tónlistarferli. Universal Music AS í Noregi skuldbindur sig til að gera samning við sigurvegara um útgáfu og dreifingu á EP plötu. Þar að auki fær sigurvegari vinninga að andvirði tveggja milljóna króna.

Eins og áður hefur komið fram skipa Herra Hnetusmjör, Birgitta Haukdal, Daníel Ágúst og Bríet dómnefndina í ár. Sigrún Ósk og Aron Már eru kynnar keppninnar. 

Idol

Idol verður á Stöð 2 á föstudagskvöldum í vetur. Fleiri hundruð söngvarar spreyttu sig í áheyrnaprufunum. Átta þeirra koma fram í hverjum þætti þar til einn stendur uppi sem Idol-stjarna Íslands. Fyrsti þáttur fer í loftið föstudagskvöldið 25. nóvember. 

Idol Tónlist Bíó og sjónvarp

Tengdar fréttir

Myndaveisla frá Idol prufunum

Fyrstu dómaraprufum í Idolinu er lokið og hafa örlög þeirra sem komust í þær verið ráðin. Það eru þau Herra Hnetusmjör, Birgitta Haukdal, Daníel Ágúst og Bríet sem sitja í dómarasætunum.

Telur sig vera búinn að koma auga á næstu Idol stjörnu

Þessa dagana fara fram dómaraprufur Idolsins sem sýnt verður á Stöð 2 í haust. Dagarnir hafa því verið ansi langir hjá leikaranum Aroni Mola sem er annar kynnir Idolsins ásamt sjónvarpskonunni Sigrúnu Ósk Kristjánsdóttur.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.