Blóð tekið úr 4.141 hryssu á 90 starfsstöðvum Hólmfríður Gísladóttir skrifar 16. nóvember 2022 08:15 Ísteka var sjálft með fjóra hryssnahópa í blóðnytjum á þremur stöðum, alls um 280 hryssur. Stjórnarráðið Tekið var blóð úr 4.141 hryssu til framleiðslu eCG/PMSG hórmónsins í ár en heildarfjöldi blóðtökuhryssna í stóðum bænda var 4.779. Tekið var blóð í um 24 þúsund skipti alls, á 90 starfsstöðvum. Í fyrra voru starfsstöðvarnar 120. Þetta er meðal þess sem kemur fram í yfirliti yfir starfsemi Ísteka á blóðtökutímabilinu árið 2022. Samkvæmt yfirlitinu stóð blóðtakan yfir frá því um miðjan júlí og fram í október. Hjá „meðalgóðri“ hryssu var tekið blóð 5,8 sinnum en hjá 20 prósentum hryssna var blóð tekið átta sinnum og sjö sinnum hjá 31 prósent stóðsins. Samkvæmt yfirlitinu fer þeim hryssum fjölgandi sem „gefa“ blóð sjö eða átta sinnum en hlutfall þeirra var 51 prósent nú samanborið við 45,7 prósent að meðaltali árin 2017 til 2021. Er þetta sagt til marks um kynbótaframför í stóðum bænda hvað þennan eiginleika varðar. Magnið af blóði sem safnaðist var fjórðungi minna en árið 2021 vegna fækkunar í hópi blóðmerabænda. „Ástæðuna telur fyrirtækið að megi fyrst og fremst rekja til þeirra áhrifa sem óheiðarlega unnin og samsett myndbrot AWF, sem dreift var víða og m.a. sýnd í sjónvarpi, höfðu á bændur, ásamt því álagi sem fylgir því að upplifa sig jaðarsettan. Því miður tókst samtökunum það ætlunarverk sitt grátlega vel, að sannfæra margt fólk og samtök með rakalausum fullyrðingum sem þau heimfærðu á atvinnugreinina í heild. Þá er ástæða samdráttarins einnig rakin til erfiðrar mönnunar í hópi dýralækna en lipurð annarra dýralækna og ráðning erlendra dýralækna kom í veg fyrir að meira tjón raungerðist en leit út fyrir á tímabili,“ segir í yfirlitinu. Andvirði blóðs hjá „meðalgóðri framleiðsluhryssu“ hækkaði úr 70 þúsund krónum í 95 þúsund krónur. Heimildarmynd dýraverndunarsamtakanna TSB Tierschutzbund Zurich og AWF Animal Welfare Foundation um blóðmerahald á Íslandi vakti mikla athygli, enda náðu samtökin upptökum af harðræði bænda gegn hryssunum. Kvarta yfir ágengni AWF Samkvæmt yfirlitinu heimsótti eftirlitsdýralæknir Ísteka 90 prósent starfsstöðva auk þess sem eftirlitsaðilar á vegum erlendra kaupenda á lyfjaefni Ísteka heimsóttu meirihluta bænda. Þá segir að Ísteka hafi haft af því spurnir að MAST hafi heimsótt alla bændur á blótökutímabilinu. Í ár var í fyrsta sinn haldið skipulega utan um öll frávik, sem áttu sér stað í 391 tilviki. Flest tilvikanna voru vegna hryssna sem sýndu einkenni ótta eða streitu. Meirihluti þeirra er sagður hafa jafnað sig á meðan þær dvöldu í básnum. Endurtekin frávik voru skráð hjá 41 hryssu. Slys voru skráð hjá fimm hryssum og einu folaldi og afföll hryssna voru sjö, samkvæmt yfirlitinu. „Þá voru á tímabilinu skráð tilvik sem kallast „ofbeiting valds“ í skráningarforminu teljandi á fingrum annarar handar sem er samt of mikið. Að mati Ísteka er mjög nauðsynlegt að allir sem koma að vinnu við blóðtöku missi ekki sjónar á hlutverki sínu og leggi ávallt höfuðáherslu á velferð og nærgætni í umgengni sinni við hryssurnar. Þetta á að sjálfsögðu við í hvaða búfjárhaldi sem er,“ segir í yfirlitinu. Þar segir að tilmæli Ísteka um að hundar væru ekki á svæðinu þegar blóðtaka færi fram voru að mestu virt en staðfest að einn hundur hefði haft neikvæð áhrif á hryssur með hlaupum, gjammi og gelti. Ísteka segist framvegis munu gera þá kröfu að blóðtaka hefjist ekki ef hundar eru nærstaddir. Í yfirlitinu segir að fulltrúar samtakanna AWF hafi sést í nágrenni fimmtán bæja, ásamt upptökuteymi frá þýskum fjölmiðli. Forsvarsmenn Ísteka eru sagðir hafa hafnað þátttöku og fullyrt að hópurinn hafi orðið uppvís að dónaskap, ágengni og óskammfeilinni framkomu. „Ljóst er að framkoman AWF var það ógnandi að sumum bændum stóð ekki á sama. Markmiðið virðist beinlínis hafa verið að skapa þessar ógnandi aðstæður til að ná viðbrögðum bænda á filmu. Ísteka gerir ráð fyrir að efnið verði birt á næstu mánuðum í einhverju formi.“ Blóðmerahald Dýr Dýraheilbrigði Lyf Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Tóku mið af viðskiptahalla en ekki tollum Erlent „Kokkurinn“ í Bandidos látinn Erlent Býst við kolsvartri skýrslu Innlent „Af hverju var það sem var sagt á fimmtudegi svikið á mánudegi?“ Innlent Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Innlent Fleiri fréttir Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Stöðug og jöfn jarðskjálftavirkni Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Erlendir ferðamenn gripnir glóðvolgir Harma að upplýsingar hafi verið sendar út fyrir mistök Tveimur sleppt og þrír eftir í haldi Sjá meira
Þetta er meðal þess sem kemur fram í yfirliti yfir starfsemi Ísteka á blóðtökutímabilinu árið 2022. Samkvæmt yfirlitinu stóð blóðtakan yfir frá því um miðjan júlí og fram í október. Hjá „meðalgóðri“ hryssu var tekið blóð 5,8 sinnum en hjá 20 prósentum hryssna var blóð tekið átta sinnum og sjö sinnum hjá 31 prósent stóðsins. Samkvæmt yfirlitinu fer þeim hryssum fjölgandi sem „gefa“ blóð sjö eða átta sinnum en hlutfall þeirra var 51 prósent nú samanborið við 45,7 prósent að meðaltali árin 2017 til 2021. Er þetta sagt til marks um kynbótaframför í stóðum bænda hvað þennan eiginleika varðar. Magnið af blóði sem safnaðist var fjórðungi minna en árið 2021 vegna fækkunar í hópi blóðmerabænda. „Ástæðuna telur fyrirtækið að megi fyrst og fremst rekja til þeirra áhrifa sem óheiðarlega unnin og samsett myndbrot AWF, sem dreift var víða og m.a. sýnd í sjónvarpi, höfðu á bændur, ásamt því álagi sem fylgir því að upplifa sig jaðarsettan. Því miður tókst samtökunum það ætlunarverk sitt grátlega vel, að sannfæra margt fólk og samtök með rakalausum fullyrðingum sem þau heimfærðu á atvinnugreinina í heild. Þá er ástæða samdráttarins einnig rakin til erfiðrar mönnunar í hópi dýralækna en lipurð annarra dýralækna og ráðning erlendra dýralækna kom í veg fyrir að meira tjón raungerðist en leit út fyrir á tímabili,“ segir í yfirlitinu. Andvirði blóðs hjá „meðalgóðri framleiðsluhryssu“ hækkaði úr 70 þúsund krónum í 95 þúsund krónur. Heimildarmynd dýraverndunarsamtakanna TSB Tierschutzbund Zurich og AWF Animal Welfare Foundation um blóðmerahald á Íslandi vakti mikla athygli, enda náðu samtökin upptökum af harðræði bænda gegn hryssunum. Kvarta yfir ágengni AWF Samkvæmt yfirlitinu heimsótti eftirlitsdýralæknir Ísteka 90 prósent starfsstöðva auk þess sem eftirlitsaðilar á vegum erlendra kaupenda á lyfjaefni Ísteka heimsóttu meirihluta bænda. Þá segir að Ísteka hafi haft af því spurnir að MAST hafi heimsótt alla bændur á blótökutímabilinu. Í ár var í fyrsta sinn haldið skipulega utan um öll frávik, sem áttu sér stað í 391 tilviki. Flest tilvikanna voru vegna hryssna sem sýndu einkenni ótta eða streitu. Meirihluti þeirra er sagður hafa jafnað sig á meðan þær dvöldu í básnum. Endurtekin frávik voru skráð hjá 41 hryssu. Slys voru skráð hjá fimm hryssum og einu folaldi og afföll hryssna voru sjö, samkvæmt yfirlitinu. „Þá voru á tímabilinu skráð tilvik sem kallast „ofbeiting valds“ í skráningarforminu teljandi á fingrum annarar handar sem er samt of mikið. Að mati Ísteka er mjög nauðsynlegt að allir sem koma að vinnu við blóðtöku missi ekki sjónar á hlutverki sínu og leggi ávallt höfuðáherslu á velferð og nærgætni í umgengni sinni við hryssurnar. Þetta á að sjálfsögðu við í hvaða búfjárhaldi sem er,“ segir í yfirlitinu. Þar segir að tilmæli Ísteka um að hundar væru ekki á svæðinu þegar blóðtaka færi fram voru að mestu virt en staðfest að einn hundur hefði haft neikvæð áhrif á hryssur með hlaupum, gjammi og gelti. Ísteka segist framvegis munu gera þá kröfu að blóðtaka hefjist ekki ef hundar eru nærstaddir. Í yfirlitinu segir að fulltrúar samtakanna AWF hafi sést í nágrenni fimmtán bæja, ásamt upptökuteymi frá þýskum fjölmiðli. Forsvarsmenn Ísteka eru sagðir hafa hafnað þátttöku og fullyrt að hópurinn hafi orðið uppvís að dónaskap, ágengni og óskammfeilinni framkomu. „Ljóst er að framkoman AWF var það ógnandi að sumum bændum stóð ekki á sama. Markmiðið virðist beinlínis hafa verið að skapa þessar ógnandi aðstæður til að ná viðbrögðum bænda á filmu. Ísteka gerir ráð fyrir að efnið verði birt á næstu mánuðum í einhverju formi.“
Blóðmerahald Dýr Dýraheilbrigði Lyf Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Tóku mið af viðskiptahalla en ekki tollum Erlent „Kokkurinn“ í Bandidos látinn Erlent Býst við kolsvartri skýrslu Innlent „Af hverju var það sem var sagt á fimmtudegi svikið á mánudegi?“ Innlent Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Innlent Fleiri fréttir Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Stöðug og jöfn jarðskjálftavirkni Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Erlendir ferðamenn gripnir glóðvolgir Harma að upplýsingar hafi verið sendar út fyrir mistök Tveimur sleppt og þrír eftir í haldi Sjá meira