Guðrún og stöllur máttu þola tap í Portúgal

Guðrún lék allan leikinn í hjarta varnarinnar hjá Rosengård, en það var hin íslensk-kanadíska Cloé Eyja Lacasse sem skoraði eina mark leiksins á 23. mínútu.

Fyrir leikinn voru bæði lið án stiga í þriðja og fjórða sæti D-riðilsins, en með þeim í riðli eru Barcelona og Bayern München. Benfica er nú í þriðja sæti með þrjú stig, en Rosengård rekur enn lestina án stiga.

Þá var Sara Björk Gunnarsdóttir fjarri góðu gamni er Juventus tók á móti Arsenal. Leiknum lauk með 1-1 jafntefli og liðin sitja í efstu tveimur sætum C-riðils.