Í dag hafa þrír skjálftar mælst yfir þremur að stærð í Mýrdalsjökli. Sá stærsti mældist í hádeginu og var 3,4 að stærð.
Alls hafa þrettán skjálftar mælst frá því á miðnætti og þeir voru allir staðsettir innan Kötluöskjunnar. Jarðskjálftar af þessari stærðargráðu eru ekki óalgengir á þessum slóðum og enginn órói hefur mælst í kjölfar skjálftanna, að því er segir í tilkynningu frá Veðurstofu Íslands.
Skjálfti upp á 3,9 varð í Mýrdalsjökli klukkan 19:55 í kvöld. Að minnsta kosti tveir aðrir yfir þremur að stærð hafa mælst í kjölfarið. Skjálftarnir eru þeir stærstu sem mælst hafa síðan í júlí.
Skjálfti af stærðinni 3,2 varð klukkan 21:13 í kvöld í Mýrdalsjökli.
