„Ég bara get ekki útskýrt af hverju“ Atli Arason skrifar 11. desember 2022 08:01 Berglind Rós Ágústsdóttir í leik með Örebro á síðasta leiktímabili. Rasmus Ohlsson Knattspyrnukonan Berglind Rós Ágústsdóttir er án félags þessa stundina eftir að samningur hennar við sænska liðið Örebo rann út um síðustu mánaðamót. Berglind vakti mikla athygli undir lok síðasta tímabils í Svíþjóð þegar hún fór óvænt að raða inn mörkum sem framherji Örebro, eftir að hafa leikið sem miðvörður félagsins allar götur fram að því. Berglind skoraði fimm mörk fyrir Örebro í alls 48 leikjum. Öll mörk Berglindar komu í fimm leikjum í röð í síðustu átta leikjum tímabilsins í sænsku úrvalsdeildinni. „Þjálfarinn hafði áður sagt við mig að ef við værum að tapa leik og okkur vantaði mark með lítinn tíma eftir af leiknum þá ætti ég bara að fara fram,“ sagði Berglind í viðtali við Vísi á dögunum. Þegar aðal framherji Örebro var fjarverandi í nokkrum leikjum prófaði þjálfari liðsins að setja Berglindi upp á topp þar sem hún stóð sig með prýði. „Það var smá landsleikjapása í september og við vorum framherjalausar. Af einhverri ástæðu þá bað þjálfarinn mig um að spila sem framherji og ég bara gerði það. Ég bara get ekki útskýrt af hverju. Hann allavegana tók áhættuna og setti mig fram og það gekk bara nokkuð vel,“ sagði Berglind og hló. Berglind fagnar einu af fimm mörkum sínum fyrir Örebro.Örebro Hjá Örebro hefur Berglind spilað nánast allar leikstöður á vellinum, að markverði frátöldum, en Berglind hóf knattspyrnuferill sinn hjá Fylki sem miðjumaður. „Liðin hérna á Íslandi þekkja mig allavegana mest sem miðvörð eða miðjumann þar sem þau hafa lítið séð mig spila frammi, en ég veit það svo sem ekki. Persónulega finnst mér skemmtilegast að spila á miðjunni en ég mun alltaf spila í þeirri stöðu sem þjálfarinn vill að ég spili í.“ Berglind hefur oftast leikið sem miðvörður á sínum ferli en það var hrein tilviljun sem varð til þess að hún fór að leika miðvörð fyrir uppeldisfélagið sitt. „Það voru rosalega margir miðjumenn hjá Fylki á þeim tíma og það vantaði miðvörð. Ég var sett þangað og tók það bara á mig og hef verið þar alla tíð síðan. Svo fór ég út til Örebro á sínum tíma sem miðvörður,“ svaraði Berglind, aðspurð út í leikstöður sínar á leikvellinum. Berglind Rós (t.h.) í leik með Fylki árið 2020. Með á myndinni eru landsliðskonurnar Cecilía Rán Rúnarsdóttir og Berglind Björg Þorvaldsdóttir.Vísir/Bára Dröfn Samningamál í skoðun Berglind er þessa stundina á Íslandi að sinna verknámi í hjúkrunarfræði en skoðar með fram því næstu skref sín á knattspyrnuferlinum. „Ég er að skoða mín mál og það mun vonandi koma í ljós á næstu vikum. Ég má ekki segja of mikið eins og staðan er akkúrat núna, þetta kemur allt í ljós,“ sagði Berglind en hún hefur heyrt í einhverjum félögum hér á landi og erlendis. „Það er alltaf gott að vita af áhuga einhvers staðar, að félög vilji fá mann til liðs við sig. Það er stórt hrós og ég tek því alveg með bros á vör.“ Berglind stefnir á að útskrifast sem hjúkrunarfræðingur vorið 2024. Berglind var upphaflega ekki að pæla í hjúkrunarfræðinni í einhverjum tengslum við fótboltann en aðspurð telur hún það vera heppilegt fyrir lið að hafa leikmann með læknisfræðilega menntun í leikmannahóp sínum. „Ég er sjúkraliði að mennt og mig langaði að bæta hjúkrunarfræði við. Mér finnst gott að geta hjálpað fólki,“ sagði Berglind og bætti við. „Það er ein í leikmannahópnum hjá Örebro sem er hjúkrunarfræðingur og margir aðrir leikmenn leituðu til hennar þegar þær fengu brunasár, sýkingu eða eitthvað annað. Þannig það gæti kannski alveg verið góður kostur að hafa einn leikmann í liðinu sem er hjúkrunarfræðingur, læknir eða eitthvað þannig háttar.“ Berglind fagnar marki með liðsfélögum sínum hjá Örebro.Twitter@KIFOrebro „Mig langar að spila áfram erlendis en bara ef það virkar með skólanum. Ef það virkar ekki þá reyni ég að finna mér lið hérna á Íslandi. Efst á lista er samt að vera erlendis, að vera í atvinnumennsku á meðan ég get það.“ „Ef þú ert að stefna á landsliðiðsæti þá held ég að maður ætti að miða á að spila erlendis,“ sagði Berglind, sem er með skýr markmið. Landsliðið Berglind var ekki valin í síðasta landsliðshóp í nóvember, sem var æfingarhópur skipaður leikmönnum sem spila bara á Íslandi. „Ég er mjög ánægð fyrir þeirra hönd að fá tækifæri til að sýna sig og eitthvað svoleiðis en það er erfitt þegar þú ert almennt ekki í landsliðhópnum og ert ekki að spila heima, þá fær maður ekki þennan séns. Við erum alveg nokkrar, eins og ég, Diljá [Ýr Zomers], Hildur Antons og fleiri sem erum þarna á milli. Við komust ekki í landsliðshópinn skipaður leikmanna sem spila á Íslandi en ekki heldur í aðal landsliðshópinn. Það er náttúrlega gífurleg samkeppni um sæti í þessum hóp þar sem við eigum svo mikið af framúrskarandi leikmönnum. Maður getur ekki annað gert en halda áfram og gera sitt besta, það þýðir ekkert annað. Svo er það bara í höndum þjálfarans að velja hópinn.“ Berglind hefur leikið fjóra leiki fyrir A-landsliðið og á alls 18 landsleiki fyrir Ísland ef yngri landslið eru tekin með í myndina. Berglind stefnir hátt og ætlar sér að vinna sér inn sæti í A-landsliðinu og leyfir sér því að vera svekkt yfir því þegar hún fær ekki kallið. „Ég er mjög svekkt [þegar kallið kemur ekki] sem er alveg eðlilegt og ég held að ég megi alveg vera svekkt yfir því. Mér finnst ég vera að standa mig vel en þetta er svo gífurlega sterkur hópur og það er mjög erfitt að komast í hann. Núna er ég líka búinn að vera að spila fleiri stöður á vellinum og ég veit ekki alveg hvort hann [Þorsteinn Halldórsson, landsliðsþjálfari] sjái mig sem framherja eða eitthvað annað. Maður heldur samt bara áfram, reynir að gera vel og láta taka eftir sér. Það er það eina sem ég get gert og svo vonað það besta,“ sagði Berglind Rós Ágústsdóttir að endingu. Berglind vonast til þess að fá fleiri tækifæri með íslenska landsliðinu.Bildbryån Sænski boltinn Besta deild kvenna Landslið kvenna í fótbolta Mest lesið Féll næstum því í Harvard vegna höfuðverkjanna Fótbolti Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Mikil öryggisgæsla í París þótt að úrslitaleikurinn fari fram í München Fótbolti Dagskráin: Úrslitaleikur Meistaradeildarinnar á kvöldið Sport Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Stelpurnar hennar Betu réðu ekki við heimsmeistarana í lokin Fótbolti „Við í rauninni töpum tveimur stigum“ Fótbolti Samstarf HSÍ og Rapyd heyrir sögunni til Handbolti Fleiri fréttir Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Sjá meira
Berglind skoraði fimm mörk fyrir Örebro í alls 48 leikjum. Öll mörk Berglindar komu í fimm leikjum í röð í síðustu átta leikjum tímabilsins í sænsku úrvalsdeildinni. „Þjálfarinn hafði áður sagt við mig að ef við værum að tapa leik og okkur vantaði mark með lítinn tíma eftir af leiknum þá ætti ég bara að fara fram,“ sagði Berglind í viðtali við Vísi á dögunum. Þegar aðal framherji Örebro var fjarverandi í nokkrum leikjum prófaði þjálfari liðsins að setja Berglindi upp á topp þar sem hún stóð sig með prýði. „Það var smá landsleikjapása í september og við vorum framherjalausar. Af einhverri ástæðu þá bað þjálfarinn mig um að spila sem framherji og ég bara gerði það. Ég bara get ekki útskýrt af hverju. Hann allavegana tók áhættuna og setti mig fram og það gekk bara nokkuð vel,“ sagði Berglind og hló. Berglind fagnar einu af fimm mörkum sínum fyrir Örebro.Örebro Hjá Örebro hefur Berglind spilað nánast allar leikstöður á vellinum, að markverði frátöldum, en Berglind hóf knattspyrnuferill sinn hjá Fylki sem miðjumaður. „Liðin hérna á Íslandi þekkja mig allavegana mest sem miðvörð eða miðjumann þar sem þau hafa lítið séð mig spila frammi, en ég veit það svo sem ekki. Persónulega finnst mér skemmtilegast að spila á miðjunni en ég mun alltaf spila í þeirri stöðu sem þjálfarinn vill að ég spili í.“ Berglind hefur oftast leikið sem miðvörður á sínum ferli en það var hrein tilviljun sem varð til þess að hún fór að leika miðvörð fyrir uppeldisfélagið sitt. „Það voru rosalega margir miðjumenn hjá Fylki á þeim tíma og það vantaði miðvörð. Ég var sett þangað og tók það bara á mig og hef verið þar alla tíð síðan. Svo fór ég út til Örebro á sínum tíma sem miðvörður,“ svaraði Berglind, aðspurð út í leikstöður sínar á leikvellinum. Berglind Rós (t.h.) í leik með Fylki árið 2020. Með á myndinni eru landsliðskonurnar Cecilía Rán Rúnarsdóttir og Berglind Björg Þorvaldsdóttir.Vísir/Bára Dröfn Samningamál í skoðun Berglind er þessa stundina á Íslandi að sinna verknámi í hjúkrunarfræði en skoðar með fram því næstu skref sín á knattspyrnuferlinum. „Ég er að skoða mín mál og það mun vonandi koma í ljós á næstu vikum. Ég má ekki segja of mikið eins og staðan er akkúrat núna, þetta kemur allt í ljós,“ sagði Berglind en hún hefur heyrt í einhverjum félögum hér á landi og erlendis. „Það er alltaf gott að vita af áhuga einhvers staðar, að félög vilji fá mann til liðs við sig. Það er stórt hrós og ég tek því alveg með bros á vör.“ Berglind stefnir á að útskrifast sem hjúkrunarfræðingur vorið 2024. Berglind var upphaflega ekki að pæla í hjúkrunarfræðinni í einhverjum tengslum við fótboltann en aðspurð telur hún það vera heppilegt fyrir lið að hafa leikmann með læknisfræðilega menntun í leikmannahóp sínum. „Ég er sjúkraliði að mennt og mig langaði að bæta hjúkrunarfræði við. Mér finnst gott að geta hjálpað fólki,“ sagði Berglind og bætti við. „Það er ein í leikmannahópnum hjá Örebro sem er hjúkrunarfræðingur og margir aðrir leikmenn leituðu til hennar þegar þær fengu brunasár, sýkingu eða eitthvað annað. Þannig það gæti kannski alveg verið góður kostur að hafa einn leikmann í liðinu sem er hjúkrunarfræðingur, læknir eða eitthvað þannig háttar.“ Berglind fagnar marki með liðsfélögum sínum hjá Örebro.Twitter@KIFOrebro „Mig langar að spila áfram erlendis en bara ef það virkar með skólanum. Ef það virkar ekki þá reyni ég að finna mér lið hérna á Íslandi. Efst á lista er samt að vera erlendis, að vera í atvinnumennsku á meðan ég get það.“ „Ef þú ert að stefna á landsliðiðsæti þá held ég að maður ætti að miða á að spila erlendis,“ sagði Berglind, sem er með skýr markmið. Landsliðið Berglind var ekki valin í síðasta landsliðshóp í nóvember, sem var æfingarhópur skipaður leikmönnum sem spila bara á Íslandi. „Ég er mjög ánægð fyrir þeirra hönd að fá tækifæri til að sýna sig og eitthvað svoleiðis en það er erfitt þegar þú ert almennt ekki í landsliðhópnum og ert ekki að spila heima, þá fær maður ekki þennan séns. Við erum alveg nokkrar, eins og ég, Diljá [Ýr Zomers], Hildur Antons og fleiri sem erum þarna á milli. Við komust ekki í landsliðshópinn skipaður leikmanna sem spila á Íslandi en ekki heldur í aðal landsliðshópinn. Það er náttúrlega gífurleg samkeppni um sæti í þessum hóp þar sem við eigum svo mikið af framúrskarandi leikmönnum. Maður getur ekki annað gert en halda áfram og gera sitt besta, það þýðir ekkert annað. Svo er það bara í höndum þjálfarans að velja hópinn.“ Berglind hefur leikið fjóra leiki fyrir A-landsliðið og á alls 18 landsleiki fyrir Ísland ef yngri landslið eru tekin með í myndina. Berglind stefnir hátt og ætlar sér að vinna sér inn sæti í A-landsliðinu og leyfir sér því að vera svekkt yfir því þegar hún fær ekki kallið. „Ég er mjög svekkt [þegar kallið kemur ekki] sem er alveg eðlilegt og ég held að ég megi alveg vera svekkt yfir því. Mér finnst ég vera að standa mig vel en þetta er svo gífurlega sterkur hópur og það er mjög erfitt að komast í hann. Núna er ég líka búinn að vera að spila fleiri stöður á vellinum og ég veit ekki alveg hvort hann [Þorsteinn Halldórsson, landsliðsþjálfari] sjái mig sem framherja eða eitthvað annað. Maður heldur samt bara áfram, reynir að gera vel og láta taka eftir sér. Það er það eina sem ég get gert og svo vonað það besta,“ sagði Berglind Rós Ágústsdóttir að endingu. Berglind vonast til þess að fá fleiri tækifæri með íslenska landsliðinu.Bildbryån
Sænski boltinn Besta deild kvenna Landslið kvenna í fótbolta Mest lesið Féll næstum því í Harvard vegna höfuðverkjanna Fótbolti Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Mikil öryggisgæsla í París þótt að úrslitaleikurinn fari fram í München Fótbolti Dagskráin: Úrslitaleikur Meistaradeildarinnar á kvöldið Sport Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Stelpurnar hennar Betu réðu ekki við heimsmeistarana í lokin Fótbolti „Við í rauninni töpum tveimur stigum“ Fótbolti Samstarf HSÍ og Rapyd heyrir sögunni til Handbolti Fleiri fréttir Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Sjá meira