Í­búar Ís­lands 467 þúsund árið 2073

Samkvæmt spá Hagstofunnar er gert ráð fyrir að frjósemishlutfallið verði 1,6 barn á hverja konu (13 til 55 ára) árið 2073. 

Samkvæmt miðgildi spárinnar aukast lífslíkur kvenna við fæðingu og verða 89 ár árið 2073, samanborið við 84 ár árið 2022. Lífslíkur karla aukast úr 81 ári í 84 ár.

 „Fjöldi aðfluttra verður meiri en fjöldi brottfluttra allt tímabilið, fyrst og fremst vegna búferlaflutninga erlendra ríkisborgara. Fjöldi aðfluttra og brottfluttra íslenskra ríkisborgara verður nokkuð jafn næstu 50 árin,“ segir í tilkynningu Hagstofunnar.

Hlutfall íbúa á vinnualdri (16 til 74 ára) mun lækka úr 74% árið 2022 í 68% árið 2073 en eftir 2055 verður elsti aldurshópurinn (eldri en 65 ára) fjölmennari en sá yngsti (yngri en 20 ára), samkvæmt miðgildi spárinnar.

„Öldrun þjóðarinnar stafar af minnkandi frjósemi og auknum lífslíkum. Þessi þróun er þó hægari á Íslandi en í ríkjum Evrópusambandsins vegna ungs aldurs erlendra ríkisborgara sem flytjast til landsins og hás frjósemishlutfalls miðað við meðaltalið innan sambandsins. 

Miðaldur Íslendinga var 36 ár árið 2021 og gert er ráð fyrir að hann verði 46 ár árið 2073. Til samanburðar var miðaldur í ríkjum Evrópusambandsins 44 ár árið 2021 en gert er ráð fyrir að því gildi verði ekki náð á Íslandi fyrr en árið 2058.“

Tilkynningin á vef Hagstofu Íslands.