Grænlensk skip landa loðnu meðan íslenski flotinn bíður Kristján Már Unnarsson skrifar 17. janúar 2023 12:00 Þórshöfn á Langanesi fékk sinn fyrsta loðnufarm í gær úr grænlensku skipi. Uppsjávarvinnslan er í eigu Ísfélags Vestmannaeyja. Vilhelm Gunnarsson Tveir grænlenskir togarar, Tasiilaq og Polar Ammasak, lönduðu loðnu í íslenskum höfnum í gær. Loðnan veiddist úti af Norðausturlandi úr kvóta Grænlendinga innan íslensku lögsögunnar. Tasiilaq landaði 300 tonnum á Þórshöfn og var þetta fyrsta loðnan sem barst þangað á þessari vertíð. Fór hluti hennar í frystingu og annað í bræðslu, að sögn Siggeirs Stefánssonar, framleiðslustjóra Ísfélags Vestmannaeyja á Þórshöfn. Hafrannsóknaskipið Árni Friðriksson var um hádegisbil við loðnuleit í hánorður af Hraunhafnartanga. Hér má sjá leitarferil skipsins frá því að það lagði úr höfn á miðvikudag í síðustu viku.Hafrannsóknastofnun Polar Ammasak landaði 1.450 tonnum á Norðfirði í gær, að því er fram kemur á heimasíðu Síldarvinnslunnar. Þar er haft eftir Guðmundi Hallssyni skipstjóra að þeir hefðu aðallega fengið loðnuna 50 til 60 mílur austur af Langanesi í fimm holum. „Við þurftum svolítið að hafa fyrir því að finna loðnuna en síðan fundum við þarna góðan blett sem við vorum á. Þarna var þokkalega mikið að sjá og loðna á 7 til 8 mílna svæði. Það var virkilega mikið líf þarna og mikið af hval,“ segir Guðmundur en loðnan fer til framleiðslu á mjöli og lýsi hjá Síldarvinnslunni. Polar Amaroq, eitt grænlensku skipanna, sem veitt hafa loðnu í íslensku lögsögunni. Myndin var tekin í norðanverðum Faxaflóa fyrir tveimur árum. Algengt er að Íslendingar séu hluti af áhöfn grænlensku skipanna.KMU Polar Ammasak kom með fyrsta loðnufarm ársins til Norðfjarðar þann 10. janúar, um 2.000 tonn, sem veiddist út af Langanesi. Skipið er í eigu grænlensku útgerðarinnar Polar Pelagic, sem einnig gerir út uppsjávarskipið Polar Amaroq. Síldarvinnslan á þriðjungshlut í grænlensku útgerðinni. Ísfélag Vestmannaeyja á sömuleiðis hlut í útgerð Tasiilaq, skipinu sem landaði á Þórshöfn. Fyrir utan þrjá túra fyrir miðjan desember bíða útgerðir íslensku uppsjávarveiðiskipanna enn með að hefja loðnuveiðar. Allra augu beinast að leitarleiðangri hafrannsóknaskipsins Árna Friðrikssonar. „Menn bíða bara spenntir eftir loðnuleitinni, eins og alltaf,“ segir Siggeir Stefánsson. Heimaey VE-1, eitt af skipum Ísfélags Vestmannaeyja.Vilhelm Gunnarsson Sömu sögu segir útgerðarstjóri Ísfélags Vestmannaeyja, Eyþór Harðarson. Tvö uppsjávarskipa félagsins, Heimaey og Sigurður, voru að koma af kolmunnamiðum sunnan Færeyja með alls 4.500 tonn. Þau munu núna bíða í höfn eftir fregnum af loðnuleitinni, eins og hin tvö uppsjávarskip félagsins, Suðurey og Álsey. Allir vonast eftir því að loðnuleitin skili sér í meiri loðnukvóta. Útgefinn kvóti dugar bara í það sem sjávarútvegsfyrirtækin telja sig þurfa í verðmætustu vinnsluna, hrognavinnslu og frystingu. Þau munu því að óbreyttu bíða átekta þar til hrognafylling loðnunnar fer að aukast. Loðnuveiðar Sjávarútvegur Langanesbyggð Fjarðabyggð Vestmannaeyjar Vísindi Grænland Tengdar fréttir Hafrannsóknaskip í loðnu úti af Vopnafirði og Langanesi Áhöfn hafrannsóknaskipsins Árna Friðrikssonar er búin að finna loðnu úti af Vopnafirði og Langanesi. Skipið heldur áfram loðnuleit næstu daga vestur með Norðurlandi í sérstökum aukaleitarleiðangri sem hófst síðastliðinn miðvikudag en byrjað var á því að leita undan sunnanverðum Austfjörðum. 16. janúar 2023 12:36 Loðna flæðir inn í vinnslur á Vopnafirði og Norðfirði Fyrstu loðnuförmum vertíðarinnar var landað í tveimur Austfjarðahöfnum í dag. Á Vopnafirði sögðu menn loðnuna sannkallaðan jólabónus en áratugur er liðinn frá því síðast tókst að hefja þar loðnuvinnslu fyrir jól. 13. desember 2022 22:24 Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hagnaður minnkar um 1,5 milljarða milli ára Viðskipti innlent Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Tengiltvinnari fyrir taugatrekkta Samstarf Svona lögðu Kínverjar framtíðina undir sig Viðskipti erlent Fleiri fréttir Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Sjá meira
Tasiilaq landaði 300 tonnum á Þórshöfn og var þetta fyrsta loðnan sem barst þangað á þessari vertíð. Fór hluti hennar í frystingu og annað í bræðslu, að sögn Siggeirs Stefánssonar, framleiðslustjóra Ísfélags Vestmannaeyja á Þórshöfn. Hafrannsóknaskipið Árni Friðriksson var um hádegisbil við loðnuleit í hánorður af Hraunhafnartanga. Hér má sjá leitarferil skipsins frá því að það lagði úr höfn á miðvikudag í síðustu viku.Hafrannsóknastofnun Polar Ammasak landaði 1.450 tonnum á Norðfirði í gær, að því er fram kemur á heimasíðu Síldarvinnslunnar. Þar er haft eftir Guðmundi Hallssyni skipstjóra að þeir hefðu aðallega fengið loðnuna 50 til 60 mílur austur af Langanesi í fimm holum. „Við þurftum svolítið að hafa fyrir því að finna loðnuna en síðan fundum við þarna góðan blett sem við vorum á. Þarna var þokkalega mikið að sjá og loðna á 7 til 8 mílna svæði. Það var virkilega mikið líf þarna og mikið af hval,“ segir Guðmundur en loðnan fer til framleiðslu á mjöli og lýsi hjá Síldarvinnslunni. Polar Amaroq, eitt grænlensku skipanna, sem veitt hafa loðnu í íslensku lögsögunni. Myndin var tekin í norðanverðum Faxaflóa fyrir tveimur árum. Algengt er að Íslendingar séu hluti af áhöfn grænlensku skipanna.KMU Polar Ammasak kom með fyrsta loðnufarm ársins til Norðfjarðar þann 10. janúar, um 2.000 tonn, sem veiddist út af Langanesi. Skipið er í eigu grænlensku útgerðarinnar Polar Pelagic, sem einnig gerir út uppsjávarskipið Polar Amaroq. Síldarvinnslan á þriðjungshlut í grænlensku útgerðinni. Ísfélag Vestmannaeyja á sömuleiðis hlut í útgerð Tasiilaq, skipinu sem landaði á Þórshöfn. Fyrir utan þrjá túra fyrir miðjan desember bíða útgerðir íslensku uppsjávarveiðiskipanna enn með að hefja loðnuveiðar. Allra augu beinast að leitarleiðangri hafrannsóknaskipsins Árna Friðrikssonar. „Menn bíða bara spenntir eftir loðnuleitinni, eins og alltaf,“ segir Siggeir Stefánsson. Heimaey VE-1, eitt af skipum Ísfélags Vestmannaeyja.Vilhelm Gunnarsson Sömu sögu segir útgerðarstjóri Ísfélags Vestmannaeyja, Eyþór Harðarson. Tvö uppsjávarskipa félagsins, Heimaey og Sigurður, voru að koma af kolmunnamiðum sunnan Færeyja með alls 4.500 tonn. Þau munu núna bíða í höfn eftir fregnum af loðnuleitinni, eins og hin tvö uppsjávarskip félagsins, Suðurey og Álsey. Allir vonast eftir því að loðnuleitin skili sér í meiri loðnukvóta. Útgefinn kvóti dugar bara í það sem sjávarútvegsfyrirtækin telja sig þurfa í verðmætustu vinnsluna, hrognavinnslu og frystingu. Þau munu því að óbreyttu bíða átekta þar til hrognafylling loðnunnar fer að aukast.
Loðnuveiðar Sjávarútvegur Langanesbyggð Fjarðabyggð Vestmannaeyjar Vísindi Grænland Tengdar fréttir Hafrannsóknaskip í loðnu úti af Vopnafirði og Langanesi Áhöfn hafrannsóknaskipsins Árna Friðrikssonar er búin að finna loðnu úti af Vopnafirði og Langanesi. Skipið heldur áfram loðnuleit næstu daga vestur með Norðurlandi í sérstökum aukaleitarleiðangri sem hófst síðastliðinn miðvikudag en byrjað var á því að leita undan sunnanverðum Austfjörðum. 16. janúar 2023 12:36 Loðna flæðir inn í vinnslur á Vopnafirði og Norðfirði Fyrstu loðnuförmum vertíðarinnar var landað í tveimur Austfjarðahöfnum í dag. Á Vopnafirði sögðu menn loðnuna sannkallaðan jólabónus en áratugur er liðinn frá því síðast tókst að hefja þar loðnuvinnslu fyrir jól. 13. desember 2022 22:24 Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hagnaður minnkar um 1,5 milljarða milli ára Viðskipti innlent Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Tengiltvinnari fyrir taugatrekkta Samstarf Svona lögðu Kínverjar framtíðina undir sig Viðskipti erlent Fleiri fréttir Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Sjá meira
Hafrannsóknaskip í loðnu úti af Vopnafirði og Langanesi Áhöfn hafrannsóknaskipsins Árna Friðrikssonar er búin að finna loðnu úti af Vopnafirði og Langanesi. Skipið heldur áfram loðnuleit næstu daga vestur með Norðurlandi í sérstökum aukaleitarleiðangri sem hófst síðastliðinn miðvikudag en byrjað var á því að leita undan sunnanverðum Austfjörðum. 16. janúar 2023 12:36
Loðna flæðir inn í vinnslur á Vopnafirði og Norðfirði Fyrstu loðnuförmum vertíðarinnar var landað í tveimur Austfjarðahöfnum í dag. Á Vopnafirði sögðu menn loðnuna sannkallaðan jólabónus en áratugur er liðinn frá því síðast tókst að hefja þar loðnuvinnslu fyrir jól. 13. desember 2022 22:24