Fótbolti

Ísland tryggði sér sigur á Pinatar-mótinu með stórsigri

Hjörtur Leó Guðjónsson skrifar
Íslensku stelpurnar lyfta bikarnum.
Íslensku stelpurnar lyfta bikarnum. KSÍ

Íslenska kvennalandsliðið tryggði sér sigur á Pinatar-mótinu í fótbolta er liðið vann afar sannfærandi 5-0 sigur gegn Filippseyjum í kvöld.

Amanda Andradóttir kom íslenska liðinu í forystu eftir rétt tæplega tuttugu mínútna leik, en það reyndist eina mark fyrri hálfleiksins.

Í síðari hálfleik opnuðust þó allar flógáttir og Amanda skoraði annað mark sitt á 51. mínútu áður en Selma Sól Magnúsdóttir bætti þriðja marki liðsins við tuttugu mínútum síðar.

Hlín Eiríksdóttir skoraði svo fjórða mark liðsins þegar um tíu mínútur voru til leiksloka áður en Alexandra Jóhannsdóttir rak seinasta naglann í kistu Filippseyinga.

Lokatölur því 5-0 og Ísland fagnar sigri á Pinatar-mótinu. Ísland endar með sjö stig úr leikjunum þremur, Wales með fimm, Skotland fjögur og Filippseyjar án stiga.

Landslið kvenna í fótbolta

Mest lesið


Fleiri fréttir

Sjá meira


×

Mest lesið