Lögreglan á höfuðborgarsvæðinu leitar enn karlmanns á þrítugsaldri í tengslum við líkamsárás í bílakjallara í Glæsibæ í Reykjavík í gær. Alls voru fjórir menn á vettvangi þegar átök brutust út. Tveir flúðu af vettvangi en annar þeirra er kominn í leitirnar.
Frá þessu er greint í tilkynningu frá lögreglunni á höfuðborgarsvæðinu. Hins mannsins er enn leitað en lögreglan veit hver hann. Hann er hvattur til að gefa sig fram hjá lögreglu.
Greint hefur verið frá því að hníf hafi verið beitt við árásina. Í tilkynningunni kemur fram að meiðsli þess sem fluttur var á slysadeild hafi ekki verið alvarleg og maðurinn hafi verið útskrifaður fljótlega.
Líkamsárás sem framin var við Glæsibæ fyrr í dag var hnífsstunguárás. Lögreglan á höfuðborgarsvæðinu hefur leitað gerandans í Laugardalnum í dag ásamt sérsveit Ríkislögreglustjóra.
Maðurinn sem grunaður er um hnífstunguárás við Glæsibæ í Reykjavík í gær er enn ófundinn, samkvæmt upplýsingum frá lögreglu á höfuðborgarsvæðinu. Lögregla veit deili á manninum og íhugar nú að lýsa eftir honum.
Lögregla og sérsveit ríkislögreglustjóra leita nú manns sem grunaður er um að hafa ráðist á annan í Laugardal fyrir stundu.
