Nágrannarnir fylgdust með hörmungum í næsta garði Bjarki Sigurðsson skrifar 29. mars 2023 15:43 Magnús Aron Magnússon í dómsal í dag. Vísir/Vilhelm Nágrannar Magnúsar Arons Magnússonar sem ákærður er fyrir að hafa myrt Gylfa Bergmann Heimisson við Barðavog í Reykjavík í fyrrasumar lýstu því fyrir dómi hvernig þau sáu Magnús traðka á Gylfa á meðan hann lá meðvitundarlaus fyrir utan hús sitt. Magnús sagðist fyrir dómi ekki hafa snert manninn eftir að hann féll á jörðina meðvitundarlaus. Aðalmeðferð í máli gegn Magnúsi Aroni Magnússyni sem hefur verið ákærður fyrir að hafa veist að nágranna sínum Gylfa Bergmann Heimissyni með þeim afleiðingum að Gylfi lést á vettvangi hófst í dag. Í morgun greindi Vísir frá skýrslu Magnúsar sem og skýrslu frá manni sem bjó í sama húsi og Magnús og Gylfi. Gylfi fannst meðvitundarlaus á vettvangi eftir að Magnús hafði hringt sjálfur á lögregluna. Endurlífgunartilraunir báru engan árangur en Gylfi lá fyrir framan húsið og Magnús skömmu frá á sömu lóð. Gylfi lá þannig að höfuð hans var á grasbala, háls við steyptan kant og restin af líkama hans á malarplani. Sagði fullt af dældum vera í grasinu Í grasinu, undir þar sem höfuð Gylfa var, var mikil dæld. Aðspurður hvort dældin hafi komið í grasið vegna átaka þeirra sagði Magnús að hún væri ekki fullkomin, það hafi verið fleiri dældir á svæðinu. Þegar hann lýsti átökum þeirra fyrir dómi sagðist hann hafa slegið Gylfa í andlit svo hann féll niður og rotaðist. Eftir nokkrar tilraunir dómara við að fá staðfest hvort Gylfi hafi verið liggjandi eða standandi þegar rothöggið barst sagðist Magnús staðfesta að Gylfi hafi verið standandi. Eftir það hafi hann gengið í burtu, hringt á neyðarlínuna og beðið eftir lögreglu. Þá sagðist hann ekki hafa veitt honum nein högg eftir að hafa rotað hann. Sáu Magnús traðka á Gylfa Nágrannar sem urðu vitni að átökunum voru ekki sammála Magnúsi með það. Um er að ræða hjón sem búsett eru í húsinu við hliðina á þar sem atvikið átti sér stað. Maðurinn lýsti þessu sem svo að hann hafi staðið úti að grilla þegar hann heyrði skarkala úr húsinu við hliðina á. Reyndi hann að sjá hvað væri að gerast en sá ekki neitt. Hann fór inn í sitt hús en aftur út skömmu síðar. Þá sá hann Magnús og Gylfa. Segir hann Gylfa hafa verið liggjandi og Magnús vera að traðka á brjóstkassa Gylfa. „Ég hljóp inn og lét hringja á lögregluna. Kom aftur og sá að hinn var hættur að hreyfast. Sá síðan manninn sem var að stappa á honum labba í kring og sparka í hausinn á honum. Hélt hann á síma en vissi ekki hvort hann hafi verið að taka myndir eða hvað. Svo fylgdist öll fjölskyldan með. Maðurinn var enn með meðvitundarlausa manninum og var þannig þar til lögregla kom,“ sagði maðurinn. Aðspurður segist hann hafa séð Magnús traðka með einhverju afli. Gylfi hafi allan tímann verið hreyfingarlaus. Magnús notaðist einungis við fæturna, gekk í kring og ýtti í höfuð hans. Sá mörg spörk Eiginkona mannsins tók undir vitnisburð hans. Hún sagðist hafa verið að horfa á fréttirnar þegar maðurinn hljóp inn og bað hana um að hringja á lögregluna. Á meðan hún hafi verið að gera það hafi eiginmaðurinn komið aftur og beðið hana um að biðja um sjúkrabíl, hann haldi að þarna sé verið að drepa mann. „Ég var inni allan tímann og sé vel yfir. Ég sá mörg spörk. Það var sparkað af afli. Sá enga hreyfingu. Sá þegar lögregla kom á vettvang og sá manninn sem var að sparka handtekinn,“ sagði konan sem var ekki kunnugt um deilur aðila í húsinu. Hún hafi þó orðið var við það að lögregla kom þangað kvöldið áður. Sonur hjónanna sem einnig varð vitni að atvikinu tók undir frásagnir foreldra sinna að mestu. Hann hafði þó ekki tekið eftir neinu traðki, einungis að Magnús hafi ýtt í höfuð á Gylfa á meðan hann lá þarna meðvitundarlaus. Lögreglukona hjá tæknideild lögreglunnar sagði að dældin undir höfði mannsins hafi ekki verið eins og hver önnur dæld. Ofan í henni hafi verið blóðpollur og mótaði hún fyrir höfðinu á honum. Dældin hafi ekki getað orðið til nema ef miklu afli er beitt. Manndráp í Barðavogi Dómsmál Reykjavík Mest lesið Vegaframkvæmdir við Höfðabakka valdi bæði umferðaröngþveiti og töfum Innlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vonast til að uppsagnir leiði ekki til flutnings fólks af svæðinu Innlent Þriggja mánaða bið eftir greftrun: „Þetta var óbærilegur yfirgangur“ Innlent Biskup lætur Rúv heyra það vegna umræðunnar í gær Innlent Enn eigi margir eftir að gera upp hug sinn um aðildarviðræður Innlent Laugarnestangi skrefi nær friðlýsingu Innlent „Borgarstjórn stendur með trans fólki og hinsegin samfélaginu öllu“ Innlent Bjarnhólastígur gata ársins í Kópavogi Innlent Vonbrigði að tillögu um símabann og samræmd próf hafi verið vísað frá Innlent Fleiri fréttir Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Baðlón fær ekki að setja upp ljósaskilti við hringveginn Biskup lætur Rúv heyra það vegna umræðunnar í gær Bein útsending: Kynna breytingar á eftirliti og mengunarvörnum „Ég er með meiri athygli í tímum og maður lærir miklu betur“ Ekki hægt að byggja endurbætur í Mjóddinni á frasapólitík Vilja samræmd próf og móttökudeildir fyrir innflytjendur Haustið komið og auknar líkur á grjóthruni, aurskriðum og aurflóðum „Þeir sem eru haldnir fordómum eiga ekki að koma nálægt opinberri stefnumótun“ „Ég treysti því að stjórnvöld vakni og hjálpi okkur“ Sótt að Snorra vegna framkomu hans og forneskjulegra skoðana Enn fleiri uppsagnir á Bakka og Dóra Björt segir Mjóddina rækilega á dagskrá Nýr matsferill „stórkostlegar fréttir“ að mati formanns Bæta lyftuhúsi við leikskólann og opna ekki fyrr en 2027 Ívar leiðir frekari uppbyggingu Húseigendafélagsins Börnum á bið eftir leikskólaplássi í Reykjavík fækkar milli ára Viðreisn dalar en annars lítil hreyfing á fylgi flokka Sjá meira
Aðalmeðferð í máli gegn Magnúsi Aroni Magnússyni sem hefur verið ákærður fyrir að hafa veist að nágranna sínum Gylfa Bergmann Heimissyni með þeim afleiðingum að Gylfi lést á vettvangi hófst í dag. Í morgun greindi Vísir frá skýrslu Magnúsar sem og skýrslu frá manni sem bjó í sama húsi og Magnús og Gylfi. Gylfi fannst meðvitundarlaus á vettvangi eftir að Magnús hafði hringt sjálfur á lögregluna. Endurlífgunartilraunir báru engan árangur en Gylfi lá fyrir framan húsið og Magnús skömmu frá á sömu lóð. Gylfi lá þannig að höfuð hans var á grasbala, háls við steyptan kant og restin af líkama hans á malarplani. Sagði fullt af dældum vera í grasinu Í grasinu, undir þar sem höfuð Gylfa var, var mikil dæld. Aðspurður hvort dældin hafi komið í grasið vegna átaka þeirra sagði Magnús að hún væri ekki fullkomin, það hafi verið fleiri dældir á svæðinu. Þegar hann lýsti átökum þeirra fyrir dómi sagðist hann hafa slegið Gylfa í andlit svo hann féll niður og rotaðist. Eftir nokkrar tilraunir dómara við að fá staðfest hvort Gylfi hafi verið liggjandi eða standandi þegar rothöggið barst sagðist Magnús staðfesta að Gylfi hafi verið standandi. Eftir það hafi hann gengið í burtu, hringt á neyðarlínuna og beðið eftir lögreglu. Þá sagðist hann ekki hafa veitt honum nein högg eftir að hafa rotað hann. Sáu Magnús traðka á Gylfa Nágrannar sem urðu vitni að átökunum voru ekki sammála Magnúsi með það. Um er að ræða hjón sem búsett eru í húsinu við hliðina á þar sem atvikið átti sér stað. Maðurinn lýsti þessu sem svo að hann hafi staðið úti að grilla þegar hann heyrði skarkala úr húsinu við hliðina á. Reyndi hann að sjá hvað væri að gerast en sá ekki neitt. Hann fór inn í sitt hús en aftur út skömmu síðar. Þá sá hann Magnús og Gylfa. Segir hann Gylfa hafa verið liggjandi og Magnús vera að traðka á brjóstkassa Gylfa. „Ég hljóp inn og lét hringja á lögregluna. Kom aftur og sá að hinn var hættur að hreyfast. Sá síðan manninn sem var að stappa á honum labba í kring og sparka í hausinn á honum. Hélt hann á síma en vissi ekki hvort hann hafi verið að taka myndir eða hvað. Svo fylgdist öll fjölskyldan með. Maðurinn var enn með meðvitundarlausa manninum og var þannig þar til lögregla kom,“ sagði maðurinn. Aðspurður segist hann hafa séð Magnús traðka með einhverju afli. Gylfi hafi allan tímann verið hreyfingarlaus. Magnús notaðist einungis við fæturna, gekk í kring og ýtti í höfuð hans. Sá mörg spörk Eiginkona mannsins tók undir vitnisburð hans. Hún sagðist hafa verið að horfa á fréttirnar þegar maðurinn hljóp inn og bað hana um að hringja á lögregluna. Á meðan hún hafi verið að gera það hafi eiginmaðurinn komið aftur og beðið hana um að biðja um sjúkrabíl, hann haldi að þarna sé verið að drepa mann. „Ég var inni allan tímann og sé vel yfir. Ég sá mörg spörk. Það var sparkað af afli. Sá enga hreyfingu. Sá þegar lögregla kom á vettvang og sá manninn sem var að sparka handtekinn,“ sagði konan sem var ekki kunnugt um deilur aðila í húsinu. Hún hafi þó orðið var við það að lögregla kom þangað kvöldið áður. Sonur hjónanna sem einnig varð vitni að atvikinu tók undir frásagnir foreldra sinna að mestu. Hann hafði þó ekki tekið eftir neinu traðki, einungis að Magnús hafi ýtt í höfuð á Gylfa á meðan hann lá þarna meðvitundarlaus. Lögreglukona hjá tæknideild lögreglunnar sagði að dældin undir höfði mannsins hafi ekki verið eins og hver önnur dæld. Ofan í henni hafi verið blóðpollur og mótaði hún fyrir höfðinu á honum. Dældin hafi ekki getað orðið til nema ef miklu afli er beitt.
Manndráp í Barðavogi Dómsmál Reykjavík Mest lesið Vegaframkvæmdir við Höfðabakka valdi bæði umferðaröngþveiti og töfum Innlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vonast til að uppsagnir leiði ekki til flutnings fólks af svæðinu Innlent Þriggja mánaða bið eftir greftrun: „Þetta var óbærilegur yfirgangur“ Innlent Biskup lætur Rúv heyra það vegna umræðunnar í gær Innlent Enn eigi margir eftir að gera upp hug sinn um aðildarviðræður Innlent Laugarnestangi skrefi nær friðlýsingu Innlent „Borgarstjórn stendur með trans fólki og hinsegin samfélaginu öllu“ Innlent Bjarnhólastígur gata ársins í Kópavogi Innlent Vonbrigði að tillögu um símabann og samræmd próf hafi verið vísað frá Innlent Fleiri fréttir Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Baðlón fær ekki að setja upp ljósaskilti við hringveginn Biskup lætur Rúv heyra það vegna umræðunnar í gær Bein útsending: Kynna breytingar á eftirliti og mengunarvörnum „Ég er með meiri athygli í tímum og maður lærir miklu betur“ Ekki hægt að byggja endurbætur í Mjóddinni á frasapólitík Vilja samræmd próf og móttökudeildir fyrir innflytjendur Haustið komið og auknar líkur á grjóthruni, aurskriðum og aurflóðum „Þeir sem eru haldnir fordómum eiga ekki að koma nálægt opinberri stefnumótun“ „Ég treysti því að stjórnvöld vakni og hjálpi okkur“ Sótt að Snorra vegna framkomu hans og forneskjulegra skoðana Enn fleiri uppsagnir á Bakka og Dóra Björt segir Mjóddina rækilega á dagskrá Nýr matsferill „stórkostlegar fréttir“ að mati formanns Bæta lyftuhúsi við leikskólann og opna ekki fyrr en 2027 Ívar leiðir frekari uppbyggingu Húseigendafélagsins Börnum á bið eftir leikskólaplássi í Reykjavík fækkar milli ára Viðreisn dalar en annars lítil hreyfing á fylgi flokka Sjá meira