Þetta kemur fram í yfirlýsingu frá körfuknattleiksdeild Fjölnis. Þar segir:
„Körfuknattleiksdeild Fjölnis og Kristjana Eir Jónsdóttir hafa komist að sameiginlegri ákvörðun um að hún láti af störfum sem þjálfari meistaraflokks kvenna. Stjórn Körfuknattleiksdeildar Fjölnis þakkar Kristjönu gott samstarf og óskar henni alls hins besta í framtíðinni.“
Kristjana Eir tók við Fjölni fyrir yfirstandandi tímabil eftir að hafa unnið 1. deildina með ÍR á síðustu leiktíð. Undir hennar stjórn endaði Fjölnir í 6. sæti Subway deildarinnar með 8 sigra og 20 töp í 28 leikjum.
