Bæði lið eru í gríðarlega harðri fallbaráttu og þurfa sárlega á þremur stigum að halda. Dominic Calvert-Lewin kom gestunum í Everton yfir með marki úr vítaspyrnu þegar stundarfjórðungur var liðinn.
Çağlar Söyüncü og Jamie Vardy svöruðu fyrir heimamenn sem voru allt í einu komnir 2-1 yfir þegar 33 mínútur voru liðnar. Það var svo í blálok fyrri hálfleiks sem heimaliðið fékk vítaspyrnu.
Maddison, sem átti stoðsendinguna þegar Vardy skoraði, fór á punktinn. Jordan Pickford hafði hins vegar unnið heimavinnuna sína og varði spyrnuna. Staðan því enn 2-1 þegar flautað var til loka fyrri hálfleiks.
'James Maddison - Stay - 60% centre'
— Match of the Day (@BBCMOTD) May 1, 2023
Jordan Pickford's water bottle coming through!#BBCFootball #LEIEVE pic.twitter.com/mfjuqMhMEF
Alex Iwobi jafnaði svo metin fyrir gestina í síðari hálfleik og þar við sat þótt bæði lið hafi átt fjöldann allan af misgóðum skotum.
Lokatölur í Leicester 2-2 og bæði lið því áfram í bullandi fallbaráttu. Leicester er í 16. sæti með 30 stig á meðan Everton er í 19. sæti með 29 stig þegar fjórar umferðir eru eftir af tímabilinu.