Hörður Axel hættur hjá Keflavík

Hörður Axel Vilhjálmsson hefur um árabil leikið með Keflavík og er þar að auki margreyndur landsliðsmaður. Hann lék sem atvinnumaður í fjölmörg ár og hefur verið talinn einn af bestu leikmönnum Subway-deildarinnar síðustu árin.

Keflavík féll úr leik í Subway-deildinni í 8-liða úrslitum gegn Tindastóli eftir að hafa hafnað í fjórða sæti deildakeppninnar.

Hörður Axel mun einnig hætta sem þjálfari kvennaliðs Keflavíkur en hann tók við liðinu fyrir tímabilið sem er nýlega lokið. Hörður Axel hafði þar áður verið aðstoðarþjálfari liðsins.

Undir stjórn Harðar Axels varð Keflavík deildarmeistari í Subway-deildinni í vetur en beið lægri hlut í úrslitaeinvígi um Íslandsmeistaratitilinn gegn Val.

Fréttin var uppfærð með yfirlýsingu Keflvíkinga