Innlent

Gular viðvaranir og líkur á vetrarfærð

Máni Snær Þorláksson skrifar
Varað er við vetrarfærð á stórum hluta landsins í dag. Mynd tengist frétt ekki beint.
Varað er við vetrarfærð á stórum hluta landsins í dag. Mynd tengist frétt ekki beint. Vísir/Vilhelm

Veturinn virðist ekki ennþá vera búinn þrátt fyrir að tæpar tvær vikur séu liðnar af maí. Gular viðvaranir eru í gildi allan daginn á morgun á öllu Norðurlandi, hluta af Vestfjörðum, hluta Austurlands og á miðhálendinu. Þá er varað við líklegri vetrarfærð.

Spáð er töluverðum vindi, 8-15 metrum á sekúndu á Ströndum og Norðurlandi vestra, 10-18 metrum á sekúndu á Norðurlandi eystra og Austurlandi að Glettingi og 13-18 metrum á sekúndu á Miðhálendinu. Þá er gert ráð fyrir slyddu eða snjókomu á fjallavegum fyrir norðan og austan en snjókomu eða skafrenningi á miðhálendinu, einkum norðan jökla.

Varað er við því að skyggni geti orðið mjög takmarkað og hálka líkleg á svæðunum þar sem gul viðvörun er í gildi. Líkur séu á vetrarfærð og því ætti ekki að leggja í langferðir á vanbúnum bílum.

Gular viðvaranir eru í gildi á stórum hluta landsins í dag.Veðurstofa Íslands
Veður

Mest lesið


Fleiri fréttir

Sjá meira


×

Mest lesið