Katrín Tanja að­eins einu stigi á eftir for­ystu­sauðnum

Katrín keppir um þessar mundir á sterku undan­úr­slita­móti vestur­hluta Norður-Ameríku fer fram í Pasa­dena sem er norð­austur af Los Angeles borg. Alls er keppt í sjö greinum og að þeim loknum munu tíu efstu konurnar vinna sér inn þátt­töku­rétt á heims­leikunum.

Þessi magnaði Ís­lendingur hefur verið á meðal tíu efstu kepp­enda allt mótið og glæstur árangur hennar í fimmtu grein, þar sem að hún endaði í 2. sæti, sá til þess að hún fékk 97 stig og lyfti sér upp í 2. sæti mótsins.

Síðustu tvær greinar mótsins fara fram í kvöld og verður greint frá loka­niður­stöðum hér á Vísi.