Vísað ranglega á sjúkrabíl þegar kona á geðdeild lést Kjartan Kjartansson skrifar 19. júní 2023 07:00 Lögregla sendi frá sér tilkynningu í lok ágúst þar sem sagði að talið væri að andlát sjúklings á geðdeild Landspítala hafi borið að með saknæmum hætti. Vísir/Vilhelm Símavörður á Landspítalanum vísaði hjúkrunarfræðingum á geðdeild á að hringja eftir sjúkrabíl í stað þess að kalla út endurlífgunarteymi eins og bar að gera þegar sjúklingur á deildinni lést fyrir tveimur árum. Spítalinn neitar að afhenda niðurstöður innri rannsóknar á andlátinu en hjúkrunarfræðingur af deildinni er ákærður fyrir manndráp vegna þess. Kona með geðklofa á sextugsaldri lést á geðdeild Landspítalans við Hringbraut 16. ágúst árið 2021. Steina Árnadóttir, hjúkrunarfræðingur á deildinni, er ákærð fyrir að valda dauða hennar með því að hella tveimur næringardrykkjum ofan í hana. Dómur í málinu á að falla á næstu vikum. Við aðalmeðferð málsins kom fram að aðstæður á deildinni voru erfiðar. Konan sem lést var með lungnabólgu en var flutt af bráðamóttöku í Fossvogi aftur á geðdeildina vegna plássleysis á lyflækningadeild. Gerð var atvikaskráning vegna þess. Þá vantaði hjúkrunarfræðing á vakt og Steina sjálf hafði unnið nítján vaktir á sextán dögum. Með henni á vakt voru þrír óreyndir starfsmenn. Sérstakt endurlífgunarteymi Landspítalans kom aldrei á geðdeildina þegar Steina, aðstoðarlæknir og stuðningsfulltrúi reyndu að lífga konuna við þrátt fyrir að þær hefðu hringt eftir því. Á endanum var það teymi sjúkraflutningamanna á sjúkrabíl frá Skógarhlíð sem brást við útkallinu. Sjúkrabílar frá slökkviliðsstöðinni í Skógarhlíð sinntu á endanum útkallinu þegar sjúklingur lést á geðdeild. Myndin er úr safni og tengist efni fréttarinnar ekki með beinum hætti.Vísir/Vilhelm Töldu að endurlífgunarteymið sinnti ekki geðdeildinni Hjúkrunarfræðingur á geðdeild sem bar vitni í málinu sagði að slæm reynsla væri af innanhússneyðarnúmeri spítalans, 9999. Þess vegna væri frekar hringt í almenna neyðarlínu þar sem von væri á skjótari viðbrögðum frá Skógarhlíð en inni á spítalanum sjálfum. Ástæðan fyrir því að endurlífgunarteymið var ekki kallað til var misskilningur þeirra sem svöruðu í númerinu 9999 um þær verklagsreglur sem giltu á spítalanum. Samkvæmt þeim hefði átt að kalla endurlífgunarteymi samstundis út þegar hringt var af geðdeildinni daginn örlagaríka. Símavörður taldi hins vegar ranglega að endurlífgunarteymi ætti ekki að bregðast við útköllum í geðdeildarbyggingu heldur ætti að kalla til sjúkrabíl, að því er kemur fram í skriflegu svari Landspítalans við fyrirspurn Vísis. Vilhjálmur H. Vilhjálmsson, verjandi Steinu, lýsti því þannig fyrir dómi að hjúkrunarfræðingi sem hringdi í 9999 hefði verið svarað með „skætingi“ á meðan sjúklingurinn lá deyjandi á gólfinu. Vilhjálmur H. Vilhjálmsson er verjandi hjúkrunarfræðingsins sem er ákærður fyrir að valda dauða sjúklings á geðdeild Landspítalans.Vísir/Vilhelm Innri rannsókn spítalans á atvikinu, svonefnd rótargreining, leiddi í ljós að sams konar atvik átti sér stað þar sem kallað var eftir endurlífgunarteyminu í húsnæði geðþjónustunnar án árangurs skömmu eftir dauðsfallið. Hjúkrunarfræðingurinn sem bar vitni sagði að það hefði verið tveimur dögum eftir það. Vill ekki afhenda niðurstöður rótargreiningar Eftir atvikið segir Landspítalinn að farið hafi verið sérstaklega yfir verklagsreglur með símavörðum 9999. Einnig hafi verið brugðist við dauðsfallinu með því að fjölga heilbrigðismenntuðu starfsfólki á vöktum, breyta innra skipulagi geðþjónustunnar og auka færni starfsmanna með aukinni þjálfun, kennslu og handleiðslu. Vísir óskaði eftir því að fá niðurstöður svonefndrar rótargreiningar, innri rannsóknar spítalans, á láti sjúklingsins en Landspítalinn hafnaði því á þeim forsendum að hún teljist vinnusgagn og sé því undanskilin upplýsingarétti almennings sem kveðið er á um í upplýsingalögum. Rótargreiningin var ekki lögð fram í málinu gegn Steinu fyrr en verjandi hennar krafðist þess. Steina Árnadóttir er ákærð fyrir manndráp í opinberu starfi og brot á lögum um heilbrigðisstarfsmenn. Hún neitar sök.Vísir/Vilhelm Rótargreining á atvikum á spítalanum er unnin til þess að draga lærdóm af þeim, bæta verkferla og koma í veg fyrir að sambærileg atvik endurtaki sig. Ekki hægt að hringja beint úr farsíma Misskilningur símavarða 9999 á starfssviði endurlífgunarteymisins var þó ekki eina vandamálið sem kom upp þegar konan lést. Steina lýsti því fyrir dómi að hún og annar hjúkrunarfræðingur hefðu reynt að hringja í 9999 úr farsíma en ekki náð sambandi. Fram kom við aðalmeðferðina að ekki var hægt að hringja úr farsímum beint í þetta neyðarnúmer spítalans heldur aðeins úr borðsímum sem voru tengdir innra símkerfi hans. Uppfært 20.6.2023 Í upphaflegri útgáfu fréttarinnar sagði að rótargreining Landspítalans hefði ekki verið lögð fram í málinu gegn Steinu Árnadóttur. Vilhjálmur H. Vilhjálmsson, verjandi hennar, segir að greiningin hafi verið gagn í málinu en aðeins eftir að hann gekk eftir því að fá hana afhenta. Landspítalinn hafi synjað héraðssaksóknara um aðgang að greiningunni. Andlát á geðdeild Landspítala til rannsóknar Landspítalinn Dómsmál Heilbrigðismál Geðheilbrigði Tengdar fréttir Undirmönnun, álag og fyrirmæli sem komust ekki til skila Forstjóri Landspítalans staðfesti að aðstæður á geðdeild hafi verið ófullnægjandi þegar kona lést þar fyrir tæpum tveimur árum í framburði fyrir dómi í morgun. Innri rannsókn spítalans leiddi í ljós að vaktin var undirmönnuð, mikið álag var á starfsfólki, fyrirmæli skiluðu sér ekki og sjúklingurinn ekki vistaður á heppilegum stað. Þá hafði ákærða unnið nítján vaktir á sextán dögum fyrir andlát sjúklingsins. 26. maí 2023 11:10 Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Sólrún fundin á Spáni Innlent Stoppaður af vegfaranda sem spurði: „Hvað er þetta?“ Innlent Viðbúnaður í Vesturbæ vegna leitar Innlent „Af hverju var það sem var sagt á fimmtudegi svikið á mánudegi?“ Innlent Fleiri fréttir Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Sjá meira
Kona með geðklofa á sextugsaldri lést á geðdeild Landspítalans við Hringbraut 16. ágúst árið 2021. Steina Árnadóttir, hjúkrunarfræðingur á deildinni, er ákærð fyrir að valda dauða hennar með því að hella tveimur næringardrykkjum ofan í hana. Dómur í málinu á að falla á næstu vikum. Við aðalmeðferð málsins kom fram að aðstæður á deildinni voru erfiðar. Konan sem lést var með lungnabólgu en var flutt af bráðamóttöku í Fossvogi aftur á geðdeildina vegna plássleysis á lyflækningadeild. Gerð var atvikaskráning vegna þess. Þá vantaði hjúkrunarfræðing á vakt og Steina sjálf hafði unnið nítján vaktir á sextán dögum. Með henni á vakt voru þrír óreyndir starfsmenn. Sérstakt endurlífgunarteymi Landspítalans kom aldrei á geðdeildina þegar Steina, aðstoðarlæknir og stuðningsfulltrúi reyndu að lífga konuna við þrátt fyrir að þær hefðu hringt eftir því. Á endanum var það teymi sjúkraflutningamanna á sjúkrabíl frá Skógarhlíð sem brást við útkallinu. Sjúkrabílar frá slökkviliðsstöðinni í Skógarhlíð sinntu á endanum útkallinu þegar sjúklingur lést á geðdeild. Myndin er úr safni og tengist efni fréttarinnar ekki með beinum hætti.Vísir/Vilhelm Töldu að endurlífgunarteymið sinnti ekki geðdeildinni Hjúkrunarfræðingur á geðdeild sem bar vitni í málinu sagði að slæm reynsla væri af innanhússneyðarnúmeri spítalans, 9999. Þess vegna væri frekar hringt í almenna neyðarlínu þar sem von væri á skjótari viðbrögðum frá Skógarhlíð en inni á spítalanum sjálfum. Ástæðan fyrir því að endurlífgunarteymið var ekki kallað til var misskilningur þeirra sem svöruðu í númerinu 9999 um þær verklagsreglur sem giltu á spítalanum. Samkvæmt þeim hefði átt að kalla endurlífgunarteymi samstundis út þegar hringt var af geðdeildinni daginn örlagaríka. Símavörður taldi hins vegar ranglega að endurlífgunarteymi ætti ekki að bregðast við útköllum í geðdeildarbyggingu heldur ætti að kalla til sjúkrabíl, að því er kemur fram í skriflegu svari Landspítalans við fyrirspurn Vísis. Vilhjálmur H. Vilhjálmsson, verjandi Steinu, lýsti því þannig fyrir dómi að hjúkrunarfræðingi sem hringdi í 9999 hefði verið svarað með „skætingi“ á meðan sjúklingurinn lá deyjandi á gólfinu. Vilhjálmur H. Vilhjálmsson er verjandi hjúkrunarfræðingsins sem er ákærður fyrir að valda dauða sjúklings á geðdeild Landspítalans.Vísir/Vilhelm Innri rannsókn spítalans á atvikinu, svonefnd rótargreining, leiddi í ljós að sams konar atvik átti sér stað þar sem kallað var eftir endurlífgunarteyminu í húsnæði geðþjónustunnar án árangurs skömmu eftir dauðsfallið. Hjúkrunarfræðingurinn sem bar vitni sagði að það hefði verið tveimur dögum eftir það. Vill ekki afhenda niðurstöður rótargreiningar Eftir atvikið segir Landspítalinn að farið hafi verið sérstaklega yfir verklagsreglur með símavörðum 9999. Einnig hafi verið brugðist við dauðsfallinu með því að fjölga heilbrigðismenntuðu starfsfólki á vöktum, breyta innra skipulagi geðþjónustunnar og auka færni starfsmanna með aukinni þjálfun, kennslu og handleiðslu. Vísir óskaði eftir því að fá niðurstöður svonefndrar rótargreiningar, innri rannsóknar spítalans, á láti sjúklingsins en Landspítalinn hafnaði því á þeim forsendum að hún teljist vinnusgagn og sé því undanskilin upplýsingarétti almennings sem kveðið er á um í upplýsingalögum. Rótargreiningin var ekki lögð fram í málinu gegn Steinu fyrr en verjandi hennar krafðist þess. Steina Árnadóttir er ákærð fyrir manndráp í opinberu starfi og brot á lögum um heilbrigðisstarfsmenn. Hún neitar sök.Vísir/Vilhelm Rótargreining á atvikum á spítalanum er unnin til þess að draga lærdóm af þeim, bæta verkferla og koma í veg fyrir að sambærileg atvik endurtaki sig. Ekki hægt að hringja beint úr farsíma Misskilningur símavarða 9999 á starfssviði endurlífgunarteymisins var þó ekki eina vandamálið sem kom upp þegar konan lést. Steina lýsti því fyrir dómi að hún og annar hjúkrunarfræðingur hefðu reynt að hringja í 9999 úr farsíma en ekki náð sambandi. Fram kom við aðalmeðferðina að ekki var hægt að hringja úr farsímum beint í þetta neyðarnúmer spítalans heldur aðeins úr borðsímum sem voru tengdir innra símkerfi hans. Uppfært 20.6.2023 Í upphaflegri útgáfu fréttarinnar sagði að rótargreining Landspítalans hefði ekki verið lögð fram í málinu gegn Steinu Árnadóttur. Vilhjálmur H. Vilhjálmsson, verjandi hennar, segir að greiningin hafi verið gagn í málinu en aðeins eftir að hann gekk eftir því að fá hana afhenta. Landspítalinn hafi synjað héraðssaksóknara um aðgang að greiningunni.
Andlát á geðdeild Landspítala til rannsóknar Landspítalinn Dómsmál Heilbrigðismál Geðheilbrigði Tengdar fréttir Undirmönnun, álag og fyrirmæli sem komust ekki til skila Forstjóri Landspítalans staðfesti að aðstæður á geðdeild hafi verið ófullnægjandi þegar kona lést þar fyrir tæpum tveimur árum í framburði fyrir dómi í morgun. Innri rannsókn spítalans leiddi í ljós að vaktin var undirmönnuð, mikið álag var á starfsfólki, fyrirmæli skiluðu sér ekki og sjúklingurinn ekki vistaður á heppilegum stað. Þá hafði ákærða unnið nítján vaktir á sextán dögum fyrir andlát sjúklingsins. 26. maí 2023 11:10 Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Sólrún fundin á Spáni Innlent Stoppaður af vegfaranda sem spurði: „Hvað er þetta?“ Innlent Viðbúnaður í Vesturbæ vegna leitar Innlent „Af hverju var það sem var sagt á fimmtudegi svikið á mánudegi?“ Innlent Fleiri fréttir Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Sjá meira
Undirmönnun, álag og fyrirmæli sem komust ekki til skila Forstjóri Landspítalans staðfesti að aðstæður á geðdeild hafi verið ófullnægjandi þegar kona lést þar fyrir tæpum tveimur árum í framburði fyrir dómi í morgun. Innri rannsókn spítalans leiddi í ljós að vaktin var undirmönnuð, mikið álag var á starfsfólki, fyrirmæli skiluðu sér ekki og sjúklingurinn ekki vistaður á heppilegum stað. Þá hafði ákærða unnið nítján vaktir á sextán dögum fyrir andlát sjúklingsins. 26. maí 2023 11:10