Fótbolti

Guðrún skoraði í stórsigri Rosengård

Siggeir Ævarsson skrifar
Guðrún Arnardóttir skoraði eitt af fimm mörkum Rosengård í dag
Guðrún Arnardóttir skoraði eitt af fimm mörkum Rosengård í dag Vísir/Getty

Rosengård vann 5-2 sigur á IK Uppsala í sænsku úrvalsdeildinni í dag en íslenska landsliðskonan og varnarjaxlinn Guðrún Arnardóttir kom sínu liði í 3-1 á 59. mínútu.

Með sigrinum er Rosengård komið með 28 stig eftir 14 leiki, jafnmörg og Linköping sem eiga þó leik til góða, en liðið eru jöfn að stigum í 4. og 5. sæti. Piteå lúrir þar fyrir ofan, tveimur stigum á undan.

Elísabet Gunnarsdóttir, þjálfari Kristianstad, náði að halda hreinu gegn toppliði Hacken, en liðin skildu jöfn fyrr í dag, 0-0. Kristianstad kemur í humátt á eftir toppliðunum eftir leiki dagsins, með 27 stig í 6. sæti. 

Sænski boltinn Fótbolti

Mest lesið


Fleiri fréttir

Sjá meira


×

Mest lesið