Kín­verska snóker­sam­bandið stað­festir lífs­tíðar­bönnin og lengir bannið yfir fimm spilurum

Leikmennirnir eru meðal annars sakaðir um að biðja andstæðinga um að svindla og hagræða úrslitum með veðmálum á leiki. Meðal þeirra sem fengu bann voru Yan Bingtao, sem vann Masters mótið fyrir tveimur árum, og fyrrverandi sigurvegari á breska meistaramótinu, Zhao Xintong.

Þyngstu refsingarnar fengu samt Liang Wenbo og Li Hang. Þeir voru báðir dæmdir í lífstíðarbann af alþjóðlega snókersambandinu og þurfa þeir að greiða væna sekt.

Yan Bingtao fékk upphaflega fimm ára bann frá snóker, en kínverska snókersambandið lengdi bannið í sjö og hálft ár. Þá hefur bann Lu Ning verið lengt í átta ár, Bai Langning í fjögur ár og Zhang Jiankang í fjögur ár og fimm mánuði. Zhao Xintong ekki að snúa aftur fyrr en í júlí árið 2025.

Þá staðfesti kínverska snókersambandið einnig lífstíðarbann þeirra Liang Wenbo og Li Hang.