Náðu betri árangri í markaðs­­málum

Þar verður boðið upp á fjölbreytt námskeið ætluð markaðsfólki, vefstjórum, fyrirtækjaeigendum, frumkvöðlum og öðrum sem langar að auka þekkingu sína á sviði markaðsmála segir Andri Már Kristinsson, einn eigenda Digido og kennari á nokkrum námskeiðum fyrirtækisins.

Andri segir markaðsmálin alltaf hafa verið á fleygiferð og markaðsfólk þurfi því að aðlaga sig að tíðarandanum hverju sinni. „Það gefur því augaleið að markaðsfólk þarf alltaf að vera á tánum og tilbúið að uppfæra þekkingu sína. Námskeiðalotan okkar inniheldur tíu námskeið þar sem við snertum meðal annars á Google Ads, Google vefmælingum, Google leitarvélabestun, Facebook Ads, Figma hönnun og Hubspot svo nokkur tæki og tól séu talin upp.“

Hann segir markmiðið að fólk geti valið sér eitt eða fleiri námskeið sem mæti þörfum hvers og eins út frá starfssviði, áhuga og þörfum fyrirtækis. „Samnefnarinn í gegnum öll námskeiðin er að nota tækin, tólin og aðferðafræði til að ná betri árangri í markaðsmálum.“

Hægt er að skoða öll námskeiðin sem eru í boði á vef Digido.

Tæki og tól sem skila árangri

Andri segir tækninni hafa fleygt mikið fram undanfarin ár og nýir og ólíkir miðlar séu reglulega að spretta fram. „Með tilkomu internetsins, snjallsíma og samfélagsmiðla má segja að þróun miðla síðustu 20 árin hafi verið álíka mikil, ef ekki meiri, en 100 árin þar á undan. Það hefur því að eðlilega verið stór áskorun fyrir menntastofnanir að halda við þessa þróun. Við hjá Digido vildum því leggja okkar lóð á vogarskálarnar og miðla þeirri þekkingu sem við höfum aflað okkur síðustu fimmtán árin.“

Hann segir innihald námskeiðanna vera lítið sinnt af háskólum hérlendis. „Sem dæmi koma fæstir viðskipta- og markaðsfræðingar út á vinnumarkaðinn með þekkingu á þessum tækjum og tólum enda verið mjög mikill vöxtur og þróun undanfarin ár með tilkomu TikTok og fleiri skyldra miðla. Tækninni fleygir fram en það er hægt að gera hlutina árangursríkari með því að tileinka sér nýtingu þessar tóla sem við kennum á námskeiðum okkar.“

Sjálfur hefur Andri um 17 ára reynslu af markaðsmálum og hefur m.a. starfað hjá Google. Meðal fyrirtækja sem Andri hefur starfað með eru Arion banki, Síminn, Domino's, Vörður og Origo. Hann hélt sitt fyrsta fyrsta Google Ads námskeið árið 2011. Auk Andra kenna átta kennarar á námskeiðalínunni, bæði starfsmenn Digido og gestakennarar.

Skráningu og nánari upplýsingar má finna á digido.is.