Lífið

Ricky Martin að skilja

Máni Snær Þorláksson skrifar
Þeir Jwan Yosef og Ricky Martin eru að skilja eftir sex ára hjónaband.
Þeir Jwan Yosef og Ricky Martin eru að skilja eftir sex ára hjónaband. EPA/Guillaume Horcajuelo

Tónlistarmaðurinn Ricky Martin og sænsk-sýrlenski listamaðurinn Jwan Yosef eru að skilja. Þeir hafa verið giftir í sex ár og segjast enda sambandið í góðu. Það sé þeirra helsta markmið að sjá til þess fjölskyldulífið verði heilbrigt.

„Við höfum ákveðið að enda hjónabandið okkar með ást, virðingu og sæmd,“ segir í upphafi yfirlýsingar sem þeir sendu saman á People. Þeir segjast heiðra það sem þeir hafa upplifað saman sem par undanfarin ár.

Martin og Yosef eiga saman tvö börn, dótturina Lucia sem fæddist árið 2018 og soninn Renn sem fæddist 2019. Sjálfur á Martin einnig fjórtán ára gamla tvíburasyni, þá Matteo og Valentino.

Um átta ár eru liðin síðan þeir Martin og Yosef kynntust en það gerðu þeir á samfélagsmiðlinum Instagram. Hálfu ári síðar byrjuðu þeir að hittast og árið 2016 opinberuðu þeir samband sitt. Síðar á sama ári trúlofuðust þeir og árið 2018 giftust þeir.

Hollywood Ástin og lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.