Fabinho ekki með Liverpool til Þýskalands | Stórt tilboð frá Al-Ittihad á borðinu

Framtíð Fabinho hjá Liverpool hefur verið í lausu lofti síðustu vikur en nú lítur allt út fyrir að hann verði ekki lengur leikmaður liðsins eftir að hafa leikið með því síðan 2018. 

Á liðnu tímabili lék hann næst flesta leiki allra leikmanna liðsins og ljóst að ef af sölunni verður þurfa Liverpool að bregðast við og finna nýjan varnarsinnaðan miðjumann á leikmannamarkaðnum.

Jordan Henderson, sem þegar hefur samþykkt tilboð frá Al Ettifaq, er hins vegar í æfingahópnum, en enn ber töluvert á milli félaganna í samningaviðræðum um kaupverð.