Hætti fljótt við um­deilt þjónustu­gjald

Greint var frá því á föstudag að Dmitrijs Štāls, eigandi Legendary Nordic Restaurant á Hellu, hefði ákveðið að gera tilraun þegar kemur að verðlagi á veitingahúsinu í formi þjónustugjalds.

Þjónustugjaldið nam fimmtán prósentum af verði matar og drykkjar og lagðist sjálfkrafa ofan á reikning gesta. Það var hins vegar valkvætt að sögn Štāls.

Viðskiptablaðið greinir nú frá því að Štāls hafi snarhætt við tilraunina eftir að fjallað var um hana í fjölmiðlum og vísar í tilkynningu þess efnis.

Þá segir að jafnframt að veitingastaðurinn muni bjóða viðskiptavinum 20 til 28 prósent afslátt af öllum mat og drykk. Ekki kemur fram hversu lengi það tilboð endist.