Ógnandi hegðun á al­manna­færi og líkams­á­rás með hamri

Frá þessu er greint í tilkynningu lögreglu um verkefni gærkvöldsins og næturinnar.

Í tilkynningunni er einnig greint frá því að tilkynnt hafi verið um líkamsárás þar sem hamar var hafður fyrir vopn en engar frekari upplýsingar liggja fyrir um málið aðrar en að það er í rannsókn.

Af öðrum verkefnum má nefna að lögregla vísaði einstakling í annarlegu ástandi út af veitingastað. Þá var annar vistaður í fangageymslu sökum ölvunar. 

Lögreglu barst einnig tilkynning um þjófnað á vespu og þá fór lögregla í eftirlit í umdæminu Kópavogur/Breiðholt eftir að tilkynnt var um grunsamlegar mannaferðir í íbúðahverfi.

Tveir voru stöðvaðir í umferðinni sem reyndust án ökuréttinda en annar þeirra er grunaður um ölvunarakstur. Þá var einn ökumaður stöðvaður á 143 km/klst þar sem hámarkshraði er 80 km/klst.