„Ég að vera skynsamur í fyrsta skipti á mínum ferli“ Aron Guðmundsson skrifar 10. ágúst 2023 08:30 Martin verður ekki með íslenska landsliðinu í Tyrklandi Martin Hermannsson, atvinnu- og landsliðsmaður í körfubolta er hungraður í að snúa aftur inn á völlinn eftir erfið hnémeiðsli, sanna fyrir öllum að sami gamli Martin sé mættur aftur. Martin hefur í sumar verið við æfingar með íslenska landsliðinu sem hefur lokið undirbúningi sínum fyrir komandi forkeppni fyrir undankeppni Ólympíuleika næsta árs. Þó svo að staðan á honum núna sé mjög góð vildi félagslið hans Valencia hafa vaðið fyrir neðan sig, hann fer því ekki með landsliðinu til Tyrklands „Staðan á mér er bara hrikalega góð, hnéð er búið að vera mjög gott í gegnum þessa lotu. Andlega staðan er hins vegar ívið verri, ég var orðinn mjög spenntur fyrir þessu verkefni og hafði gert mig tilbúinn í það. En þegar að maður horfir á skynsömu hliðina í þessu þá held ég að það sé sniðugra fyrir mig á þessum tímapunkti og vera ferskur með liðinu þegar það snýr aftur í febrúar.“ Martin Hermannsson og Elvar Már Friðriksson í leik með ÍslandiVísir/Bára Dröfn En hvað veldur því að þú ferð ekki með liðinu í forkeppnina? „Þetta er í raun bara félagið mitt úti og kannski ég líka sem höfum mest að segja í þessu. Ég er náttúrulega að koma til baka úr erfiðum meiðslum en núna undanfarinn einn og hálfan mánuði hefur mér liðið mjög vel. Hvað komandi verkefni varðar þá er þar um að ræða marga leiki á skömmum tíma. Þannig að þetta er ég að vera skynsamur í fyrsta skipti á mínum ferli. Ég held að það sé kominn sá tímapunktur að vera það, að ég noti reynsluna sem ég bý að og haldi ekki út í eitthvað rugl. Verði frekar heill í febrúar þegar að leikirnir, sem við þurfum að vinna, koma.“ Í komandi forkeppni fyrir Ólympíuleikana er Ísland í riðli með Tyrklandi, Úkraínu og Búlgaríu. Tvö efstu lið riðilsins tryggja sér sæti í undanúrslitum en af þeim fjórum liðum sem komast þangað er aðeins eitt sem tryggir sér sæti í undankeppni leikanna. Líkurnar ekki með okkur Hvernig horfir þessi forkeppni við þér? „Við erum alltaf bestir, ég hef engar áhyggjur af því. Liðið lítur vel út og framtíðin er björt. Í þessum leikmannahópi eru margir leikmenn sem að eru að koma mér á óvart. Auðvitað eru líkurnar ekki með okkur í þessu verkefni sem er fram undan í þessari forkeppni. Við erum að fara spila á móti mörgum af bestu þjóðum í heiminum. Þetta er verkefni þar sem að við megum ekki tapa leik. Stuðullinn er því ekki lágur en við ætlum að nýta þetta í að verða betri, þjappa okkur saman og gefa mönnum dýrmæta reynslu sem felst í því að spila á móti mörgum af bestu leikmönnum Evrópu. Þá reynslu nýtum við svo á réttan hátt í febrúar þegar að mótið kemur sem okkur langar virkilega mikið á.“ Hræðumst ekki neinn Og talandi um það verkefni, þá var dregið í undankeppni Evrópumótsins á dögunum en þar mun íslenska landsliðið þurfa að eiga við andstæðinga sem liðið þekkir eða mun þekkja vel. Ítalíu, Tyrklandi og Ungverjalandi. „Þetta var enginn draumadráttur,“ segir Martin. „Hefði maður fengið að velja sjálfur, þá hefði maður valið þetta aðeins öðruvísi. Við erum hins vegar bara komnir á þann stað sem landslið að við hræðumst ekki neinn.“ „Auðvitað var kannski verst að fá Tyrkland úr seinni styrkleikaflokknum þar sem að þeir voru svona fyrir fram lang sterkastir úr þeim flokki. Ungverjarnir eru kannski þeir sem við horfum kannski mest á sem liðið sem við þurfum að vinna tvisvar og við getum það klárlega en þurfum á sama tíma að hafa alla heila, alla með til þess að eiga góðan séns. Okkur, ásamt þjóðinni, langar rosalega mikið á annað stórmót og við ætlum að leggja okkur alla fram til þess að reyna ná því markmiði.“ Vill sanna sig upp á nýtt Martin er að koma til baka úr erfiðum kafla á sínum ferli. Hversu hungraður er hann að snúa aftur á keppnisvöllinn? „Alveg svakalega. Ég kom til baka eftir níu og hálfan mánuð í fjarveru, sem er rosalega snemmt eftir krossbandaslit og ætlaði að vera með einhverja stæla þarna og byrjaði í kjölfarið að finna fyrir smá bakslagi. Í sumar hef ég hins vegar náð að æfa mjög vel og mér líður eins og ég sé á þeim stað sem ég var á áður en ég sleit krossböndin. Núna er búið að gera mig að fyrirliða hjá Valencia og stórir hlutir að fara eiga sér stað á næsta tímabili. Mig langar rosalega að sanna mig upp á nýtt og sýna að ég sé enn þá sami gamli Martin, að ég sé mættur aftur.“ Landslið karla í körfubolta Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Hún reif í mig og hraunaði yfir mig, á Marilegan hátt“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Martin hefur í sumar verið við æfingar með íslenska landsliðinu sem hefur lokið undirbúningi sínum fyrir komandi forkeppni fyrir undankeppni Ólympíuleika næsta árs. Þó svo að staðan á honum núna sé mjög góð vildi félagslið hans Valencia hafa vaðið fyrir neðan sig, hann fer því ekki með landsliðinu til Tyrklands „Staðan á mér er bara hrikalega góð, hnéð er búið að vera mjög gott í gegnum þessa lotu. Andlega staðan er hins vegar ívið verri, ég var orðinn mjög spenntur fyrir þessu verkefni og hafði gert mig tilbúinn í það. En þegar að maður horfir á skynsömu hliðina í þessu þá held ég að það sé sniðugra fyrir mig á þessum tímapunkti og vera ferskur með liðinu þegar það snýr aftur í febrúar.“ Martin Hermannsson og Elvar Már Friðriksson í leik með ÍslandiVísir/Bára Dröfn En hvað veldur því að þú ferð ekki með liðinu í forkeppnina? „Þetta er í raun bara félagið mitt úti og kannski ég líka sem höfum mest að segja í þessu. Ég er náttúrulega að koma til baka úr erfiðum meiðslum en núna undanfarinn einn og hálfan mánuði hefur mér liðið mjög vel. Hvað komandi verkefni varðar þá er þar um að ræða marga leiki á skömmum tíma. Þannig að þetta er ég að vera skynsamur í fyrsta skipti á mínum ferli. Ég held að það sé kominn sá tímapunktur að vera það, að ég noti reynsluna sem ég bý að og haldi ekki út í eitthvað rugl. Verði frekar heill í febrúar þegar að leikirnir, sem við þurfum að vinna, koma.“ Í komandi forkeppni fyrir Ólympíuleikana er Ísland í riðli með Tyrklandi, Úkraínu og Búlgaríu. Tvö efstu lið riðilsins tryggja sér sæti í undanúrslitum en af þeim fjórum liðum sem komast þangað er aðeins eitt sem tryggir sér sæti í undankeppni leikanna. Líkurnar ekki með okkur Hvernig horfir þessi forkeppni við þér? „Við erum alltaf bestir, ég hef engar áhyggjur af því. Liðið lítur vel út og framtíðin er björt. Í þessum leikmannahópi eru margir leikmenn sem að eru að koma mér á óvart. Auðvitað eru líkurnar ekki með okkur í þessu verkefni sem er fram undan í þessari forkeppni. Við erum að fara spila á móti mörgum af bestu þjóðum í heiminum. Þetta er verkefni þar sem að við megum ekki tapa leik. Stuðullinn er því ekki lágur en við ætlum að nýta þetta í að verða betri, þjappa okkur saman og gefa mönnum dýrmæta reynslu sem felst í því að spila á móti mörgum af bestu leikmönnum Evrópu. Þá reynslu nýtum við svo á réttan hátt í febrúar þegar að mótið kemur sem okkur langar virkilega mikið á.“ Hræðumst ekki neinn Og talandi um það verkefni, þá var dregið í undankeppni Evrópumótsins á dögunum en þar mun íslenska landsliðið þurfa að eiga við andstæðinga sem liðið þekkir eða mun þekkja vel. Ítalíu, Tyrklandi og Ungverjalandi. „Þetta var enginn draumadráttur,“ segir Martin. „Hefði maður fengið að velja sjálfur, þá hefði maður valið þetta aðeins öðruvísi. Við erum hins vegar bara komnir á þann stað sem landslið að við hræðumst ekki neinn.“ „Auðvitað var kannski verst að fá Tyrkland úr seinni styrkleikaflokknum þar sem að þeir voru svona fyrir fram lang sterkastir úr þeim flokki. Ungverjarnir eru kannski þeir sem við horfum kannski mest á sem liðið sem við þurfum að vinna tvisvar og við getum það klárlega en þurfum á sama tíma að hafa alla heila, alla með til þess að eiga góðan séns. Okkur, ásamt þjóðinni, langar rosalega mikið á annað stórmót og við ætlum að leggja okkur alla fram til þess að reyna ná því markmiði.“ Vill sanna sig upp á nýtt Martin er að koma til baka úr erfiðum kafla á sínum ferli. Hversu hungraður er hann að snúa aftur á keppnisvöllinn? „Alveg svakalega. Ég kom til baka eftir níu og hálfan mánuð í fjarveru, sem er rosalega snemmt eftir krossbandaslit og ætlaði að vera með einhverja stæla þarna og byrjaði í kjölfarið að finna fyrir smá bakslagi. Í sumar hef ég hins vegar náð að æfa mjög vel og mér líður eins og ég sé á þeim stað sem ég var á áður en ég sleit krossböndin. Núna er búið að gera mig að fyrirliða hjá Valencia og stórir hlutir að fara eiga sér stað á næsta tímabili. Mig langar rosalega að sanna mig upp á nýtt og sýna að ég sé enn þá sami gamli Martin, að ég sé mættur aftur.“
Landslið karla í körfubolta Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Hún reif í mig og hraunaði yfir mig, á Marilegan hátt“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira