Firmino hlóð í þrennu er sádiarabíska deildin hófst

Mörg af liðum sádiarabísku deildarinnar hafa safnað til sín leikmönnum úr stórliðum Evrópu og því hafa margir beðið spenntir eftir upphafi deildarinnar.

Roberto Firmino, sem gekk í raðir Al Ahli frá Liverpool í sumar, stal senunni í opnunarleik tímabilsins þegar hann skoraði þrennu í kvöld. Hann kom heimamönnum yfir strax á sjöttu mínútu og fjórum mínútum síðar tvöfaldaði hann forystu liðsins eftir stoðsendingu frá Riyad Mahrez, fyrrverandi leikmanni Manchester City.

Gestirnir minnkuðu þó muninn snemma í síðari hálfleik áður en Firmino fullkomnaði þrennu sína og innsiglaði um leið 3-1 sigur Al Ahli með marki á 72. mínútu.