Besta deildin vonbrigði: „Ekki margar sem hafa ýtt við mér“ Valur Páll Eiríksson skrifar 8. september 2023 11:30 Þorsteinn kallar eftir betri frammistöðu leikmanna í Bestu deildinni, að þeir geri pressu á landsliðssæti. Vísir/Vilhelm Þorsteinn Halldórsson, landsliðsþjálfari kvenna, segir að reynsluminni leikmenn þurfi að stíga upp í ljósi mikilla fráfalla landsliðskvenna í komandi landsliðsverkefni. Þó kveðst hann vonsvikinn með að fáir leikmenn í Bestu deild kvenna hafi gert raunverulegt tilkall til landsliðssætis. Fram undan hjá Íslandi eru fyrstu leikir liðsins í nýrri Þjóðadeild þar sem liðið mætir Wales hér heima áður en það sækir Þýskaland heim ytra. „Mér líst vel á þetta. Þetta verða krefjandi leikir og erfiðir en við ætlum að fá góða frammistöðu og ef það tekst fáum við góð úrslit.“ segir Þorsteinn um verkefnið. Klippa: Besta deildin ekki nægilega sterk Breyttur hópur Umtalsverðar breytingar eru á leikmannahópi liðsins vegna bæði meiðsla og barneigna. „Þær eru ýmist meiddar, óléttar eða hættar. Þetta eru svona þær ástæður sem eru á bakvið þetta. Það er ekkert við því að segja, leikmenn geta meiðst og konur verða ófrískar og þær eru á þeim aldri,“ „Þetta er bara þróun á liðinu og er hluti þess að þjálfa lið. Það er spennandi að sjá hvernig aðrir leikmenn taka skrefið inn í hópinn og liðið,“ segir Þorsteinn. Þorsteinn segir hóp Íslands þó ekki veikari fyrir vikið og hefur trú á þeim leikmönnum sem í stað reynsluboltanna koma. Þær þurfi að sýna sig og sanna. „Þetta breyting hefur átt sér stað yfir dálítinn tíma og í hverjum glugga hafa einhverjar meiðst, hætt eða orðið ófrískar og aðrar verið að taka við keflinu. Mér finnst við hafa haldið vel í horfinu og við höfum náð í fín úrslit. Þannig að það er engin ástæða til að vera ekki bjartsýnn,“ „Mér finnst við ekki hafa sýnt það [að liðið hafi veikst] þó að leikurinn hérna gegn Finnum í sumar hafi verið lélegur þá stigum við upp gegn Austurríki og unnum þær úti. Við höfum náð í fín úrslit á þessu ári og unnið tvær þjóðir sem tóku þátt á HM,“ segir Þorsteinn. Sandra Sigurðardóttir er mætt aftur í landsliðið. Hún hefur mikilvæga reynslu, segir þjálfarinn.Vísir/Sigurjón Ólason Sandra Sigurðardóttir er þá komin aftur í landsliðið eftir að hún tók skóna af hillunni í sumar. „Ég vildi fá reynslu inn. Við værum með algjörlega óreynt þriggja manna markmannsteymi hefði ég ekki valið Söndru. Ég vildi hafa einn markmann þarna með keppnisleiki á bakinu til að miðla reynslu og styðja hina markmennina líka. Mér fannst það gríðarlega mikilvægt fyrir þennan glugga. Svo sjáum við í framhaldinu hverju það skilar,“ segir Þorsteinn. Bryndís ekki sannað sig á nógu háu stigi og Besta deildin vonbrigði Bryndís Arna Níelsdóttir, framherji Vals, er langmarkahæst í Bestu deildinni með 14 mörk en næstu konur eru með sjö. Þrátt fyrir það treystir Þorsteinn henni ekki í verkefnið. „Bryndís er náttúrulega búin að vera að skora fullt en ég taldi eftir að hafa skoðað leikina í vor við Danmörku að hún ætti ennþá eitthvað í land og hún er núna að fara að spila við Marokkó [með U23 landsliðinu] og vonandi stendur hún sig þar. Þetta snýst um að sýna sig á því stigi sem þú telur að geti hentað í landsleikjum. Það er hennar að sýna að hún eigi heima í landsliðinu.“ Bryndís Arna Níelsdóttir hefur skorað 14 mörk í deildinni en næstmarkahæstu konur hafa skorað sjö.Vísir/Vilhelm Stigið sem Bryndís Arna er að skora á sem stendur, í Bestu deildinni, segir Þorsteinn sem sagt ekki nógu hátt. Hann kveðst vonsvikinn með að fáir leikmenn hafi gert tilkall til landsliðssætis í Bestu deild kvenna í sumar. „Ég vonast alltaf til að við fáum fleiri leikmenn sem ýta við manni að maður þurfi að velja þær. Ef maður horfir raunverulega á Íslandsmótið núna þá er hreint út sagt ekkert rosalega margir leikmenn sem hafa ýtt við mér. Það eru ákveðin vonbrigði með mótið,“ segir Þorsteinn. Viðtalið má sjá í spilaranum að ofan. Landslið kvenna í fótbolta Þjóðadeild kvenna í fótbolta Mest lesið Mo Salah fjarlægði nafn Liverpool af miðlum sínum Enski boltinn Hatar hvítu stuttbuxurnar Handbolti Uppgjörið FH - Haukar 27-26 | Birgir Már tryggði FH sigur eftir spennutrylli Handbolti Neyddar í sömu stöðu og Ísland og límdu melónur á skóna Handbolti Leik lokið: Breiðablik-KuPS 0-0 | Höskuldur klúðraði víti og Blikar bíða enn Fótbolti Uppgjörið: Grindavík-KR 78-77 | Arnór Tristan með sigurkörfuna Körfubolti Þjálfari og leikmaður í NBA handteknir Körfubolti Sjáðu öll mörkin: Neitaði að fagna í sýningu Liverpool Fótbolti Uppgjörið: Njarðvík-Tindastóll 98-90 | Njarðvíkingar skelltu Stólunum Körfubolti Langþráður sigur með nýtt kerfi en Slot áhyggjufullur Enski boltinn Fleiri fréttir Sambandsdeildin | Logi í sigurliði og Crystal Palace lá á heimavelli Evrópudeildin | Elías hélt hreinu í Evrópudeildinni Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Ótrúlegur Kane sá við Messi og Ronaldo Eiður dásamaði Caicedo í beinni á Brúnni „Ákveðið sjokk“ „Heiður að fá að vera í sama flokki og hann“ Var nálægt því að hætta og fara í körfubolta Langþráður sigur með nýtt kerfi en Slot áhyggjufullur Guðrún líklegust til að koma til bjargar í eyðimörk „Kominn tími á sigur í Sambandsdeildinni“ Sjáðu öll mörkin: Neitaði að fagna í sýningu Liverpool Tekur við af læriföður sínum Sló félagsmet Bayern München en náði ekki Viktori Bjarka Vikan grískur harmleikur fyrir gríska eigandann Bayern og Real Madrid í hóp liðanna með fullt hús Chelsea bauð upp á markaveislu á Brúnni Liverpool vaknaði við vondan draum og endaði taphrinuna með stæl Matthías endar ferilinn á laugardag: „Sérstök og svolítið skrýtin tilfinning“ Höskuldur og Ólafur sátu fyrir svörum eftir viðburðarríka viku KA-strákarnir fara út með tvö mörk í mínus Arsenal með langbestu vörn Evrópu Púllarar í ferðaveseni: „Þetta er engin afsökun“ Snjó kyngir niður á Akureyri og Evrópuleikur færður inn Rýndu í lið Bjarna og Guðlaugs: „Eins og í formannsslagnum um árið“ Sjá meira
Fram undan hjá Íslandi eru fyrstu leikir liðsins í nýrri Þjóðadeild þar sem liðið mætir Wales hér heima áður en það sækir Þýskaland heim ytra. „Mér líst vel á þetta. Þetta verða krefjandi leikir og erfiðir en við ætlum að fá góða frammistöðu og ef það tekst fáum við góð úrslit.“ segir Þorsteinn um verkefnið. Klippa: Besta deildin ekki nægilega sterk Breyttur hópur Umtalsverðar breytingar eru á leikmannahópi liðsins vegna bæði meiðsla og barneigna. „Þær eru ýmist meiddar, óléttar eða hættar. Þetta eru svona þær ástæður sem eru á bakvið þetta. Það er ekkert við því að segja, leikmenn geta meiðst og konur verða ófrískar og þær eru á þeim aldri,“ „Þetta er bara þróun á liðinu og er hluti þess að þjálfa lið. Það er spennandi að sjá hvernig aðrir leikmenn taka skrefið inn í hópinn og liðið,“ segir Þorsteinn. Þorsteinn segir hóp Íslands þó ekki veikari fyrir vikið og hefur trú á þeim leikmönnum sem í stað reynsluboltanna koma. Þær þurfi að sýna sig og sanna. „Þetta breyting hefur átt sér stað yfir dálítinn tíma og í hverjum glugga hafa einhverjar meiðst, hætt eða orðið ófrískar og aðrar verið að taka við keflinu. Mér finnst við hafa haldið vel í horfinu og við höfum náð í fín úrslit. Þannig að það er engin ástæða til að vera ekki bjartsýnn,“ „Mér finnst við ekki hafa sýnt það [að liðið hafi veikst] þó að leikurinn hérna gegn Finnum í sumar hafi verið lélegur þá stigum við upp gegn Austurríki og unnum þær úti. Við höfum náð í fín úrslit á þessu ári og unnið tvær þjóðir sem tóku þátt á HM,“ segir Þorsteinn. Sandra Sigurðardóttir er mætt aftur í landsliðið. Hún hefur mikilvæga reynslu, segir þjálfarinn.Vísir/Sigurjón Ólason Sandra Sigurðardóttir er þá komin aftur í landsliðið eftir að hún tók skóna af hillunni í sumar. „Ég vildi fá reynslu inn. Við værum með algjörlega óreynt þriggja manna markmannsteymi hefði ég ekki valið Söndru. Ég vildi hafa einn markmann þarna með keppnisleiki á bakinu til að miðla reynslu og styðja hina markmennina líka. Mér fannst það gríðarlega mikilvægt fyrir þennan glugga. Svo sjáum við í framhaldinu hverju það skilar,“ segir Þorsteinn. Bryndís ekki sannað sig á nógu háu stigi og Besta deildin vonbrigði Bryndís Arna Níelsdóttir, framherji Vals, er langmarkahæst í Bestu deildinni með 14 mörk en næstu konur eru með sjö. Þrátt fyrir það treystir Þorsteinn henni ekki í verkefnið. „Bryndís er náttúrulega búin að vera að skora fullt en ég taldi eftir að hafa skoðað leikina í vor við Danmörku að hún ætti ennþá eitthvað í land og hún er núna að fara að spila við Marokkó [með U23 landsliðinu] og vonandi stendur hún sig þar. Þetta snýst um að sýna sig á því stigi sem þú telur að geti hentað í landsleikjum. Það er hennar að sýna að hún eigi heima í landsliðinu.“ Bryndís Arna Níelsdóttir hefur skorað 14 mörk í deildinni en næstmarkahæstu konur hafa skorað sjö.Vísir/Vilhelm Stigið sem Bryndís Arna er að skora á sem stendur, í Bestu deildinni, segir Þorsteinn sem sagt ekki nógu hátt. Hann kveðst vonsvikinn með að fáir leikmenn hafi gert tilkall til landsliðssætis í Bestu deild kvenna í sumar. „Ég vonast alltaf til að við fáum fleiri leikmenn sem ýta við manni að maður þurfi að velja þær. Ef maður horfir raunverulega á Íslandsmótið núna þá er hreint út sagt ekkert rosalega margir leikmenn sem hafa ýtt við mér. Það eru ákveðin vonbrigði með mótið,“ segir Þorsteinn. Viðtalið má sjá í spilaranum að ofan.
Landslið kvenna í fótbolta Þjóðadeild kvenna í fótbolta Mest lesið Mo Salah fjarlægði nafn Liverpool af miðlum sínum Enski boltinn Hatar hvítu stuttbuxurnar Handbolti Uppgjörið FH - Haukar 27-26 | Birgir Már tryggði FH sigur eftir spennutrylli Handbolti Neyddar í sömu stöðu og Ísland og límdu melónur á skóna Handbolti Leik lokið: Breiðablik-KuPS 0-0 | Höskuldur klúðraði víti og Blikar bíða enn Fótbolti Uppgjörið: Grindavík-KR 78-77 | Arnór Tristan með sigurkörfuna Körfubolti Þjálfari og leikmaður í NBA handteknir Körfubolti Sjáðu öll mörkin: Neitaði að fagna í sýningu Liverpool Fótbolti Uppgjörið: Njarðvík-Tindastóll 98-90 | Njarðvíkingar skelltu Stólunum Körfubolti Langþráður sigur með nýtt kerfi en Slot áhyggjufullur Enski boltinn Fleiri fréttir Sambandsdeildin | Logi í sigurliði og Crystal Palace lá á heimavelli Evrópudeildin | Elías hélt hreinu í Evrópudeildinni Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Ótrúlegur Kane sá við Messi og Ronaldo Eiður dásamaði Caicedo í beinni á Brúnni „Ákveðið sjokk“ „Heiður að fá að vera í sama flokki og hann“ Var nálægt því að hætta og fara í körfubolta Langþráður sigur með nýtt kerfi en Slot áhyggjufullur Guðrún líklegust til að koma til bjargar í eyðimörk „Kominn tími á sigur í Sambandsdeildinni“ Sjáðu öll mörkin: Neitaði að fagna í sýningu Liverpool Tekur við af læriföður sínum Sló félagsmet Bayern München en náði ekki Viktori Bjarka Vikan grískur harmleikur fyrir gríska eigandann Bayern og Real Madrid í hóp liðanna með fullt hús Chelsea bauð upp á markaveislu á Brúnni Liverpool vaknaði við vondan draum og endaði taphrinuna með stæl Matthías endar ferilinn á laugardag: „Sérstök og svolítið skrýtin tilfinning“ Höskuldur og Ólafur sátu fyrir svörum eftir viðburðarríka viku KA-strákarnir fara út með tvö mörk í mínus Arsenal með langbestu vörn Evrópu Púllarar í ferðaveseni: „Þetta er engin afsökun“ Snjó kyngir niður á Akureyri og Evrópuleikur færður inn Rýndu í lið Bjarna og Guðlaugs: „Eins og í formannsslagnum um árið“ Sjá meira