Byrjunarlið Íslands: Sveindís ekki með

Sveindís Jane Jónsdóttir er ekki í byrjunarliði Íslands vegna meiðsla og er því ekki í hóp.

Telma Ívarsdóttir stendur vaktina í markinu fyrir aftan þær Glódísi Perlu Viggósdóttur, Guðrúnu Arnardóttur og Ingibjörgu Sigurðardóttur sem eru í hjarta varnarinnar. Glódís verður einmitt heiðruð fyrir leik fyrir að hafa á dögunum leikið sinn hundraðasta landsleik. Þær Diljá Ýr Zomers og Sandra María Jessen eru í vængbakvarðarstöðunum.

Karólína Lea Vilhjálmsdóttir og Hlín Eiríksdóttir leiða sóknarlínuna, en fyrir aftan þær eru Hildur Antonsdóttir, Selma Sól Magnúsdóttir og Amanda Andradóttir á miðsvæðinu.