Fótbolti

Juventus með fullt hús stiga á toppnum

Hjörvar Ólafsson skrifar
Guðný Árnadóttir kom inn af varamannabekknum hjá AC Milan.
Guðný Árnadóttir kom inn af varamannabekknum hjá AC Milan. Vísir/Getty

Juventus hélt áfram sigurgöngu sinni í ítölsku efstu deildinni í fótbolta kvenna þegar liðið mætti AC Milan í þriðju umferð deildarinnar í dag. 

Ítalska landsliðskonann Arianna Caruso skoraði sigurmark Juventus þegar skammt var eftir af leiknum en Juventus hefur fullt hús stig, líkt og Roma, á toppi deildarinnar.

Sara Björk Gunnarsdóttir tók út leikbann í þessum leik eftir að hafa fengið rautt spjald í sigri Juventus gegn Sampdoria í síðustu umferð deildarinnar. 

Guðný Árnadóttir hóf leikinn á varamannabekk AC Milan en kom svo inná þegar rúmlega 10 mínútur voru eftir af leiknum. AC Milan hefur þrjú stig eftir fyrstu þrjá leiki sína í deildinni. 

Ítalski boltinn

Mest lesið


Fleiri fréttir

Sjá meira


×

Mest lesið