Körfubolti

Jón Axel öflugur þegar Ali­cante beið lægri hlut

Smári Jökull Jónsson skrifar
Jón Axel Guðmundsson var góður í leiknum í dag.
Jón Axel Guðmundsson var góður í leiknum í dag. vísir/Sigurjón

Jón Axel Guðmundsson átti góðan leik fyrir lið Alicante sem tapaði gegn Leyma Coruna í næst efstu deild spænska körfuboltans í dag.

Bæði lið unnu sigra í fyrstu umferð deildakeppninnar en leikurinn í dag fór fram á heimavelli Leyma Coruna.

Heimamenn leiddu 36-30 að loknum fyrri hálfleiknum en Jón Axel og félagar hans voru sterkari í þriðja leikhlutanum og skoruðu þá fleiri stig en þeir höfðu gert allan fyrri hálfleikinn.

Fyrir lokafjórðunginn munaði aðeins tveimur stigum. Heimaliðið var þó sterkara á endasprettinum og tryggðu sér að lokum fimm stiga sigur. Lokatölur 79-74.

Jón Axel átti eins og áður segir góðan leik í liði Alicante. Hann var stigahæstur á vellinum með 21 stig og tók þar að auki þrjú fráköst og gaf sex stoðsendingar.

Spænski körfuboltinn

Mest lesið


Fleiri fréttir

Sjá meira


×

Mest lesið