Hjólar í Þóri og sakar hann um móðursýki Aron Guðmundsson skrifar 17. október 2023 14:28 Norski blaðamaðurinn Leif Welhaven sakar Þóri Hergeirsson, landsliðsþjálfara norska kvennalandsliðsins í handbolta um móðursýki Vísir/Samsett mynd Norski blaðamaðurinn Leif Welhaven er allt annað ánægður með þá stefnu sem Þórir Hergeirsson, landsliðsþjálfari norska kvennalandsliðsins í handbolta, hefur sett fyrir sitt lið í aðdraganda HM í handbolta sem hefst í næsta mánuði. Síðan Þórir tók við norska liðinu árið 2008 hefur hann stýrt því til sigurs á níu stórmótum. Hann er sigursælasti landsliðsþjálfari handboltasögunnar en kvennalandslið Noregs er bæði ríkjandi Evrópu- og heimsmeistari. Þórir Hergeirsson er titlaóður þjálfari. Saga hans með norska landsliðið talar sínu máli.Vísir/Getty Nú á dögunum var greint frá því í norskum miðlum að leikmönnum norska kvennalandsliðsins í handbolta hefði verið meinað að veita eiginhandaráritanir og taka svokallaðar sjálfsmyndir (e.selfies) með aðdáendum sínum í kringum leiki liðsins á næstunni.. Reglurnar hafa nú þegar tekið gildi og verða við lýði hið minnsta fram yfir heimsmeistaramótið í handbolta sem hefst í næsta mánuði í Noregi, Danmörku og Svíþjóð en þar á norska landsliðið heimsmeistaratitil að verja. Með því að takmarka nánd leikmanna við stuðningsmenn vilja Þórir Hergeirsson, og aðrir sem standa að baki norska landsliðinu, lágmarka líkurnar á því að leikmenn liðsins smitist af veirum á borð við nóróveiruna og kórónuveiruna. Þórir segist, í samtali við VG, skilja að margir ungir stuðningsmenn liðsins muni sitja eftir með sárt ennið vegna þessara reglna. „Ég veit að þessi ákvörðun mun orka tvímælis en þið verðið bara að fyrirgefa mér. Ég er við stjórnvölinn. Það mun enginn finna til með mér ef leikmenn veikjast og við dettum út á HM.“ Með þessu vilji forráðamenn liðsins ekki sýnast glíma við móðursýki en það er akkúrat það sem norski blaðamaðurinn Leif Welhaven sakar Þóri um í grein sem birtist á vef VG í Noregi. „Móðursjúkur Hergeirsson“ Í inngangi greinarinnar beinir Leif orðum sínum að leikmönnum norska kvennalandsliðsins sem hafa gengið í gegnum sigursæl ár undanfarið. Leikmenn liðsins ættu ekki að taka stuðningnum og áhuganum á liðinu sem gefnum hlut. Bann við sjálfsmyndum með stuðningsmönnum og eiginhandaráritunum geti gert meiri skaða en gagn. Leif rifjar upp eina sterkustu minningu sína úr æsku er hann fékk eiginhandaráritun frá hetjunni sinni, Rússanum Sergej Lomanov sem gerði garðinn frægan sem atvinnumaður í bandý. Svona stundir gefi ungum aðdáendum og iðkendum oft meira en fólk almennt heldur. „Nú hefur Þórir Hergeirsson ákveðið að börnin muni verða fyrir vonbrigðum. Öll.“ Þórir eigi að sjálfsögðu rétt á því að taka þessa tilteknu ákvörðun. „En er hún skynsöm, nauðsynleg og áhættunnar virði?“ og vitnar Leif þar í ummæli liðslæknis norska landsliðsins sem birtist hjá VG þar sem að hún segir hættu á sýkingu mjög litla fyrir leikmenn. „Það má vel vera að afleiðing þessarar ákvörðunar leiði til þess að líkurnar á því að leikmenn smitist verði minni en handboltahöllin er hvort sem er ekki öll sótthreinsuð í þaula og því er möguleikinn á því að smitast enn fyrir hendi,“ skrifar Leif í grein sinni á VG. Mynd: EPA Þetta snúist því um hvort það sé virkilega vonbrigðanna virði, er varðar unga fólkið, að halda þessum reglum til streitu. Stór hluti af því að stunda íþróttir á hæsta gæðastigi sé að kveikja neista, skapa gleði- og samverustundir. „Í íþrótt sem fyrst og fremst skín á stóra sviðinu einu sinni á ári mun heimsmeistaramót á heimavelli snúast um miklu meira en bara úthlutun verðlauna. Þetta snýst einnig um upplifun. Ég er hræddur um að Hergeirsson muni sakna þess. Auðvitað er mikilvægt að vera heilbrigður en línan sem nú hefur verið dregin minnir helst á móðursýki.“ Noregur HM karla í handbolta 2023 Mest lesið Stuðningsfólk Fortuna brjálað út í Ísak Bergmann Fótbolti Tveir látnir og fleiri hundruð handtekin í óeirðum eftir sigur PSG Fótbolti „Ég held það vilji enginn upplifa svona aftur“ Íslenski boltinn Kolbeinn er WBF heimsmeistari Sport Leik lokið: KR - Vestri 2-1 | „Heimamenn“ með nauman en mikilvægan sigur Íslenski boltinn Hispurslaus Amorim mun reynast Man United vel Enski boltinn Sævar hundeltur af blaðamönnum í Danmörku og Noregi Fótbolti „Þakklát fyrir skilning á þessum erfiðu tímum“ Körfubolti Valdi tíu bestu augnablik Meistaradeildar Evrópu á leiktíðinni Fótbolti Fékk draum sinn uppfylltan og heiðraði minningu látinnar dóttur sinnar Fótbolti Fleiri fréttir Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ Sjá meira
Síðan Þórir tók við norska liðinu árið 2008 hefur hann stýrt því til sigurs á níu stórmótum. Hann er sigursælasti landsliðsþjálfari handboltasögunnar en kvennalandslið Noregs er bæði ríkjandi Evrópu- og heimsmeistari. Þórir Hergeirsson er titlaóður þjálfari. Saga hans með norska landsliðið talar sínu máli.Vísir/Getty Nú á dögunum var greint frá því í norskum miðlum að leikmönnum norska kvennalandsliðsins í handbolta hefði verið meinað að veita eiginhandaráritanir og taka svokallaðar sjálfsmyndir (e.selfies) með aðdáendum sínum í kringum leiki liðsins á næstunni.. Reglurnar hafa nú þegar tekið gildi og verða við lýði hið minnsta fram yfir heimsmeistaramótið í handbolta sem hefst í næsta mánuði í Noregi, Danmörku og Svíþjóð en þar á norska landsliðið heimsmeistaratitil að verja. Með því að takmarka nánd leikmanna við stuðningsmenn vilja Þórir Hergeirsson, og aðrir sem standa að baki norska landsliðinu, lágmarka líkurnar á því að leikmenn liðsins smitist af veirum á borð við nóróveiruna og kórónuveiruna. Þórir segist, í samtali við VG, skilja að margir ungir stuðningsmenn liðsins muni sitja eftir með sárt ennið vegna þessara reglna. „Ég veit að þessi ákvörðun mun orka tvímælis en þið verðið bara að fyrirgefa mér. Ég er við stjórnvölinn. Það mun enginn finna til með mér ef leikmenn veikjast og við dettum út á HM.“ Með þessu vilji forráðamenn liðsins ekki sýnast glíma við móðursýki en það er akkúrat það sem norski blaðamaðurinn Leif Welhaven sakar Þóri um í grein sem birtist á vef VG í Noregi. „Móðursjúkur Hergeirsson“ Í inngangi greinarinnar beinir Leif orðum sínum að leikmönnum norska kvennalandsliðsins sem hafa gengið í gegnum sigursæl ár undanfarið. Leikmenn liðsins ættu ekki að taka stuðningnum og áhuganum á liðinu sem gefnum hlut. Bann við sjálfsmyndum með stuðningsmönnum og eiginhandaráritunum geti gert meiri skaða en gagn. Leif rifjar upp eina sterkustu minningu sína úr æsku er hann fékk eiginhandaráritun frá hetjunni sinni, Rússanum Sergej Lomanov sem gerði garðinn frægan sem atvinnumaður í bandý. Svona stundir gefi ungum aðdáendum og iðkendum oft meira en fólk almennt heldur. „Nú hefur Þórir Hergeirsson ákveðið að börnin muni verða fyrir vonbrigðum. Öll.“ Þórir eigi að sjálfsögðu rétt á því að taka þessa tilteknu ákvörðun. „En er hún skynsöm, nauðsynleg og áhættunnar virði?“ og vitnar Leif þar í ummæli liðslæknis norska landsliðsins sem birtist hjá VG þar sem að hún segir hættu á sýkingu mjög litla fyrir leikmenn. „Það má vel vera að afleiðing þessarar ákvörðunar leiði til þess að líkurnar á því að leikmenn smitist verði minni en handboltahöllin er hvort sem er ekki öll sótthreinsuð í þaula og því er möguleikinn á því að smitast enn fyrir hendi,“ skrifar Leif í grein sinni á VG. Mynd: EPA Þetta snúist því um hvort það sé virkilega vonbrigðanna virði, er varðar unga fólkið, að halda þessum reglum til streitu. Stór hluti af því að stunda íþróttir á hæsta gæðastigi sé að kveikja neista, skapa gleði- og samverustundir. „Í íþrótt sem fyrst og fremst skín á stóra sviðinu einu sinni á ári mun heimsmeistaramót á heimavelli snúast um miklu meira en bara úthlutun verðlauna. Þetta snýst einnig um upplifun. Ég er hræddur um að Hergeirsson muni sakna þess. Auðvitað er mikilvægt að vera heilbrigður en línan sem nú hefur verið dregin minnir helst á móðursýki.“
Noregur HM karla í handbolta 2023 Mest lesið Stuðningsfólk Fortuna brjálað út í Ísak Bergmann Fótbolti Tveir látnir og fleiri hundruð handtekin í óeirðum eftir sigur PSG Fótbolti „Ég held það vilji enginn upplifa svona aftur“ Íslenski boltinn Kolbeinn er WBF heimsmeistari Sport Leik lokið: KR - Vestri 2-1 | „Heimamenn“ með nauman en mikilvægan sigur Íslenski boltinn Hispurslaus Amorim mun reynast Man United vel Enski boltinn Sævar hundeltur af blaðamönnum í Danmörku og Noregi Fótbolti „Þakklát fyrir skilning á þessum erfiðu tímum“ Körfubolti Valdi tíu bestu augnablik Meistaradeildar Evrópu á leiktíðinni Fótbolti Fékk draum sinn uppfylltan og heiðraði minningu látinnar dóttur sinnar Fótbolti Fleiri fréttir Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ Sjá meira