Eigandi Air Atlanta selur verðlaunahús í Kópavogi

Björgvin Snæbjörnsson arkitekt hannaði húsið að innan og utan. Húsið hlaut hönnunarverðlaun Kópavogsbæjar árið 2006. 

Eignin er samtals 277,6 fermetrar að stærð, þar af 72,6 fermetra bílskúr. 

Eldhús og stofa er í björtu og samliggjandi rými með aukinni lofthæð og gólfsíðum gluggum. 

Í eldhúsi er hvít sérsmíðuð eldhúsinnrétting með stórri eyju, skápum til lofts og stein á borðum. Útgengt er úr eldhúsi á skjólsælan sólpall þar sem tilvalið er að grilla á góðum sumardegi. 

Úr borðstofu er stigi upp hálfa hæð í stórar og bjartar stofu með gólfsíðum gluggum að hluta og fallegu útsýni. Í miðju rýminu er stór og veglegur arinn klæddur ljósum flísum sem gefur rýminu sjarmerandi og hlýlegt yfirbragð.

Nánari upplýsingar má finna um eignina á fasteignavef Vísis.