Umdeild auglýsing tekin úr birtingu: „Ég skammast mín ekkert fyrir hana“ Magnús Jochum Pálsson skrifar 24. október 2023 06:46 Geir Ólafsson sér ekki eftir umdeildri auglýsingu sinni fyrir Las Vegas Christmas Show. Hann segir auglýsinguna byggja á sannsögulegum atburðum. Vísir/Vilhelm Stórsöngvarinn Geir Ólafsson sér ekki eftir umdeildri auglýsingu sinni sem tekin var úr birtingu. Hann segist ekki hafa ætlað að móðga neinn og segir auglýsinguna, sem er fyrir Las Vegas-jólatónleika hans, byggja á sannsögulegum atburðum. Hlustendur ráku upp stór augu (og hugsanlega eyru) þegar þeir hlustuðu á þátt Ívars Guðmundssonar á Bylgjunni í gærmorgun. Þar spilaðist auglýsing frá Geir Ólafssyni vegna jólatónleika hans, Las Vegas Christmas Show, í Gamla bíói. En í auglýsingunni voru greinilega kynferðislegir undirtónar. „Bjóddu konunni þinni á mjög heita kvöldstund. Hún launar þér það þegar þið komið heim. Las Vegas Christmas Show. Tryggðu þér miða á Tix.is,“ segir í auglýsingunni. Hlusta má á umrædda auglýsingu í spilaranum að neðan. Harma birtingu auglýsingarinnar Auglýsingin vakti greinilega svo hörð viðbrögð að Tix, sem sjá um miðasöluna fyrir tónleikana, sáu sig knúin til að gefa frá sér tilkynningu vegna auglýsingarinnar. „Fyrr í dag fór útvarpsauglýsing í loftið á vegum viðburðarhaldara sem samræmist ekki með neinum hætti stefnu né viðhorfi Tix miðasölu. Auglýsingar á vegum viðburðarhaldara eru ekki að nokkru leyti tengdar Tix miðasölu né bornar undir Tix miðasölu áður en þær fara í loftið,“ sagði í tilkynningu Tix á Facebook. „Í kjölfar ábendingar frá viðskiptavin um tilvist auglýsingarinnar var haft samband við viðburðarhaldara og auglýsingin tekin úr birtingu. Tix miðasala styður heilshugar baráttu gegn ofbeldismenningu og harmar birtingu á þessari auglýsingu,“ segir enn fremur. Vísir hafði samband við Geir til að spyrja hann út í auglýsinguna og viðbrögðin við henni. Yfirlýsing Tix vegna málsins.Facebook Auglýsingin byggi á sannsögulegum atburðum „Ég hef ekki kynnt mér þetta nægilega mikið til að hafa einhverja skoðun á þessu. Ég veit ekki um hvað þetta mál snýst í raun, í alvöru,“ sagði Geir þegar blaðamaður spurði út í viðbrögðin við auglýsingunni. Það hefur enginn haft samband við þig? „Þau höfðu samband við mig á Tix og ég vissi að þetta hefði farið eitthvað fyrir brjóstið á fólki. Þannig þetta var tekið út,“ segir hann. Geir Ólafsson hefur haldið jólatónleika með Las Vegas-ívafi undanfarin ár.Facebook Þessi auglýsing er þá alveg komin úr birtingu? „Já, að sjálfsögðu. Við erum ekki að búa til vandræði að óþörfu. En ég skammast mín ekkert fyrir hana, bara svo það sé alveg á hreinu. Hún er byggð á sannsögulegum viðburðum,“ segir hann enn fremur. „Ég er bara að reyna að auglýsa tónleikana mína. Það er margt undir í þessu, ég er að gefa út plötu og er búinn að vera að vinna í þessu í mörg ár. Þannig ég hef ekkert annað að gera og er ekki vanur að vera upp á kant við fólk,“ segir Geir. „Ég er ekki þekktur fyrir að vera með dónaskap við fólk“ Aðspurður hvort hægt væri að nálgast auglýsinguna einhvers staðar segir Geir: „Hún er hvergi til, hún er farin út og verður ekkert notuð.“ Skilurðu óánægju fólks eða finnst þér þetta stormur í vatnsglasi? „Ég bara veit það ekki. Ég er ekkert upp á kant við fólk og ég get ekki verið með heimsins áhyggjur fólks á mínum herðum. Ég hef alveg nóg að hugsa um mig og mína fjölskyldu. Það er bara þannig,“ segir hann. Herbert Guðmundsson er meðal þeirra sem troða upp á tónleikunumm.Facebook „Ég er ekki þekktur fyrir að vera með dónaskap við fólk. Ég tala ekki illa um fólk, ég er ekki á Facebook að tala niður til fólks, til neinna minnihlutahópa eða neitt. Ég hef ekki gert neitt og hef í raun ekki neitt um þetta að segja nema bara að ég þakka þér fyrir að hringja í mig og spyrja mig út í þetta,“ segir Geir. „En ég held að þið blaðamenn ættuð frekar að íhuga aðeins hvað ég er að gera með þessum tónleikum vegna þess að þarna er ég að koma með heimsklassahljóðfæraleika frá Hollywood. Og ég er að gefa ungum og efnilegum söngvurum tækifæri að syngja sem fá annars aldrei nein tækifæri.“ „Þannig ég er gríðarlega stoltur af þessu verkefni mínu og öllu sem ég hef verið að gera þarna,“ segir Geir Ólafsson um jólatónleikana. Tónleikar á Íslandi Tónlist Auglýsinga- og markaðsmál Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent Sólrún fundin á Spáni Innlent „Ásthildur Lóa var kjöldregin í öllum fjölmiðlum heims“ Innlent Stoppaður af vegfaranda sem spurði: „Hvað er þetta?“ Innlent Viðbúnaður í Vesturbæ vegna leitar Innlent „Af hverju var það sem var sagt á fimmtudegi svikið á mánudegi?“ Innlent Fleiri fréttir Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Sjá meira
Hlustendur ráku upp stór augu (og hugsanlega eyru) þegar þeir hlustuðu á þátt Ívars Guðmundssonar á Bylgjunni í gærmorgun. Þar spilaðist auglýsing frá Geir Ólafssyni vegna jólatónleika hans, Las Vegas Christmas Show, í Gamla bíói. En í auglýsingunni voru greinilega kynferðislegir undirtónar. „Bjóddu konunni þinni á mjög heita kvöldstund. Hún launar þér það þegar þið komið heim. Las Vegas Christmas Show. Tryggðu þér miða á Tix.is,“ segir í auglýsingunni. Hlusta má á umrædda auglýsingu í spilaranum að neðan. Harma birtingu auglýsingarinnar Auglýsingin vakti greinilega svo hörð viðbrögð að Tix, sem sjá um miðasöluna fyrir tónleikana, sáu sig knúin til að gefa frá sér tilkynningu vegna auglýsingarinnar. „Fyrr í dag fór útvarpsauglýsing í loftið á vegum viðburðarhaldara sem samræmist ekki með neinum hætti stefnu né viðhorfi Tix miðasölu. Auglýsingar á vegum viðburðarhaldara eru ekki að nokkru leyti tengdar Tix miðasölu né bornar undir Tix miðasölu áður en þær fara í loftið,“ sagði í tilkynningu Tix á Facebook. „Í kjölfar ábendingar frá viðskiptavin um tilvist auglýsingarinnar var haft samband við viðburðarhaldara og auglýsingin tekin úr birtingu. Tix miðasala styður heilshugar baráttu gegn ofbeldismenningu og harmar birtingu á þessari auglýsingu,“ segir enn fremur. Vísir hafði samband við Geir til að spyrja hann út í auglýsinguna og viðbrögðin við henni. Yfirlýsing Tix vegna málsins.Facebook Auglýsingin byggi á sannsögulegum atburðum „Ég hef ekki kynnt mér þetta nægilega mikið til að hafa einhverja skoðun á þessu. Ég veit ekki um hvað þetta mál snýst í raun, í alvöru,“ sagði Geir þegar blaðamaður spurði út í viðbrögðin við auglýsingunni. Það hefur enginn haft samband við þig? „Þau höfðu samband við mig á Tix og ég vissi að þetta hefði farið eitthvað fyrir brjóstið á fólki. Þannig þetta var tekið út,“ segir hann. Geir Ólafsson hefur haldið jólatónleika með Las Vegas-ívafi undanfarin ár.Facebook Þessi auglýsing er þá alveg komin úr birtingu? „Já, að sjálfsögðu. Við erum ekki að búa til vandræði að óþörfu. En ég skammast mín ekkert fyrir hana, bara svo það sé alveg á hreinu. Hún er byggð á sannsögulegum viðburðum,“ segir hann enn fremur. „Ég er bara að reyna að auglýsa tónleikana mína. Það er margt undir í þessu, ég er að gefa út plötu og er búinn að vera að vinna í þessu í mörg ár. Þannig ég hef ekkert annað að gera og er ekki vanur að vera upp á kant við fólk,“ segir Geir. „Ég er ekki þekktur fyrir að vera með dónaskap við fólk“ Aðspurður hvort hægt væri að nálgast auglýsinguna einhvers staðar segir Geir: „Hún er hvergi til, hún er farin út og verður ekkert notuð.“ Skilurðu óánægju fólks eða finnst þér þetta stormur í vatnsglasi? „Ég bara veit það ekki. Ég er ekkert upp á kant við fólk og ég get ekki verið með heimsins áhyggjur fólks á mínum herðum. Ég hef alveg nóg að hugsa um mig og mína fjölskyldu. Það er bara þannig,“ segir hann. Herbert Guðmundsson er meðal þeirra sem troða upp á tónleikunumm.Facebook „Ég er ekki þekktur fyrir að vera með dónaskap við fólk. Ég tala ekki illa um fólk, ég er ekki á Facebook að tala niður til fólks, til neinna minnihlutahópa eða neitt. Ég hef ekki gert neitt og hef í raun ekki neitt um þetta að segja nema bara að ég þakka þér fyrir að hringja í mig og spyrja mig út í þetta,“ segir Geir. „En ég held að þið blaðamenn ættuð frekar að íhuga aðeins hvað ég er að gera með þessum tónleikum vegna þess að þarna er ég að koma með heimsklassahljóðfæraleika frá Hollywood. Og ég er að gefa ungum og efnilegum söngvurum tækifæri að syngja sem fá annars aldrei nein tækifæri.“ „Þannig ég er gríðarlega stoltur af þessu verkefni mínu og öllu sem ég hef verið að gera þarna,“ segir Geir Ólafsson um jólatónleikana.
Tónleikar á Íslandi Tónlist Auglýsinga- og markaðsmál Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent Sólrún fundin á Spáni Innlent „Ásthildur Lóa var kjöldregin í öllum fjölmiðlum heims“ Innlent Stoppaður af vegfaranda sem spurði: „Hvað er þetta?“ Innlent Viðbúnaður í Vesturbæ vegna leitar Innlent „Af hverju var það sem var sagt á fimmtudegi svikið á mánudegi?“ Innlent Fleiri fréttir Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Sjá meira