Vilja byggja í­þrótta­leik­vang sér­stak­lega sniðinn að kven­kyns í­þrótta­fólki og þörfum þess

„Við teljum að það sé tækifæri til að byggja leikvang sérstaklega fyrir kvenkyns íþróttafólk. Það koma fleiri konur, fleiri börn og fleiri fjölskyldur sem mæta á leiki hjá kvennaliðunum. Íþróttaleikvangar í þessu landi eru að mestu hannaðir fyrir karlkyns íþróttafólk og karlkyns áhorfendur,“ sagði Barber í viðtali við Sky Sports.

„Við myndum elska að byggja leikvang sem væri sérstaklega hannaður fyrir kvenkyns íþróttafólk. Við teljum að það yrði fyrsti leikvangur sinnar tegundar í heiminum, allavega innan fótboltans. Ef við getum gert það þá getum við vonandi aukið vöxt kvennaknattspyrnunnar í þessum hluta landsins. Þetta gæti ýtt öðrum félögum í sömu átt.“

Undanfarið hefur kvennalið Brighton spilað á heimavelli D-deildarliðs Crawley Town. Barber segir að félagið væri til í að byggja nýjan völl, finnist land í það, sem myndi bæði laða fleiri á leiki kvennaliðsins sem og þjónusta liðið betur. Það mun þó taka sinn tíma.

María Þórisdóttir og stöllur hennar í Brighton í 9. sæti efstu deildar kvenna með fjögur stig að loknum fimm umferðum.