Ræða Víðis í heild sinni Magnús Jochum Pálsson skrifar 11. nóvember 2023 00:19 Víðir Reynisson, sviðsstjóri Almannavarna, upplýsti um rýmingu Grindavíkur á blaðamannafundi Almannavarna fyrr í kvöld og stóð fyrir svörum. Vísir/Vilhelm Víðir Reynisson, sviðsstjóri Almannavarna, greindi frá því á upplýsingafundi upp úr ellefu að Almannavarnir hafi lýst yfir neyðarstigi og að í samráði við Lögreglustjórann á Suðurnesjum hafi verið tekin ákvörðun um að rýma Grindavík. Hér fyrir neðan má sjá ræðu Víðis í heild sinni með viðbættum kaflaskiptingum: „Núna á ellefta tímanum upplýsti Veðurstofa Íslands Almannavarnir um að ekki væri hægt að útiloka að kvikugangurinn sem er að myndast gæti náð til Grindavíkur. Vegna þessa hefur Lögreglustjórinn á Suðurnesjum tekið ákvörðun, í samráði við Almannavarnir að rýma Grindavíkurbæ og Almannavarnir hafa samhliða lýst yfir neyðarstigi. Nýjustu gögn Veðurstofunnar sýna talsverða færslu og stóran kvikugang sem er að myndast og gæti opnast, og legið þá frá suðvestri til norðausturs. Ákvörðun þessi er tekin með öryggi íbúa í huga. Mikilvægt er að allir sýni stillingu, því við höfum ágætan tíma til að bregðast við,“ sagði Víðir í ræðu sinni. Íbúum skylt að yfirgefa bæinn „Athugið að íbúum er SKYLT að rýma hús sín og yfirgefa bæinn. Þetta er ekki neyðarrýming,“ tók Víðir sérstaklega fram. „Það er beiðni okkar til íbúa Grindavíkur að yfirgefa bæinn án óðagots. Það er ekki bráð hætta yfirvofandi, rýmingin er fyrst og fremst fyrirbyggjandi með öryggi allra Grindvíkinga í fyrirrúmi. Allar leiðir eru nú lokaðar til Grindavíkur, nema fyrir neyðartilfelli og þarf fólk að gefa sig fram á lokunarpóstum. Er það gert til að liðka fyrir umferð frá Grindavík. Er um að ræða Suðurstrandaveg og Nesveg. Grindavíkurvegur er enn lokaður. Akið varlega, það er dimmt, og margir verða á ferðinni. Förum okkur að engu óðslega.“ Leiðbeiningar til íbúa Grindavíkur „Samkvæmt rýmingaráætlun Grindavíkur er nauðsynlegt að: Allir fjölskyldumeðlimir séu með það sem þarf, m.a. lyf og aðrar nauðsynjar. Einnig er gott að taka eigin kodda og sæng, sérstaklega ef þið áætlið að gista í fjöldahjálparstöð Neyðarlínan sendir SMS, kemur frá 112, ekki er öruggt að SMS berist öllum. Lokið gluggum, aftengið rafmagnstæki og gangið tryggilega frá heimilinu Setjið miða á áberandi stað í glugga eða hurð sem snýr út að götu sem sýnir að húsið sé rýmt Hugið að nágrönnum ykkar og samstarfsfólki ef hægt er Akið varlega, innanbæjar og eftir að komið er út úr bænum Takið upp gangandi fólk ef þarf og rými er í bílnum Hlustið á útvarp og fylgist með fjölmiðlum“ Nauðsynlegt að íbúar skrái sig í síma 1717 „Söfnunarmiðstöð innan Grindavíkur er í íþróttamiðstöðinni ef fólk þarf aðstoð út úr bænum, þar er ekki skráning. Því er ekki nauðsynlegt að koma við á söfnunarmiðstöð ef ekki er þörf á aðstoð við rýmingu. Einnig er hægt að hafa samband við 112 til að fá aðstoð. Ef ekki er símasamband, setjið hvíta veifu á hurð eða glugga ef ykkur vantar aðstoð. Skráning verður í fjöldahjálparstöðvum í Kórnum, Vallaskóla á Selfossi og í íþróttamiðstöðinni á Sunnubraut í Reykjanesbæ. Þau sem vilja fara beint til vina og ættingja geta hringt í 1717 til að skrá sig. Þau sem hafa nú þegar farið út úr bænum en hafa ekki skráð sig þurfa að hafa samband við 1717 og skrá sig. Við minnum á hjálparsíma Rauða krossins, 1717, þangað er hægt að hringja til að fá upplýsingar,“ sagði Víðir Almannavarnir hafa ítrekað sérstaklega að þeir íbúar sem yfirgáfu bæinn fyrr í kvöld þurfi líka að skrá sig í síma 1717. Lokaáminning til fólks „Við viljum ítreka að íbúum er SKYLT að rýma hús sín og yfirgefa bæinn. En við viljum líka ítreka að þetta er ekki neyðarrýming, það er nægur tími til að undirbúa sig, ganga frá og keyra út úr bænum í rólegheitum. Við minnum aftur á að fjöldahjálparstöðvar eru í Vallaskóla á Selfossi, Íþróttahúsinu við Sunnubraut í Reykjanesbæ og í Kórnum í Kópavogi. Vegna rýminganna hefur verið ákveðið að fara á neyðarstig Almannavarna. Það er ljóst að við erum að fást við atburði sem við Íslendingar höfum ekki upplifað áður, allavega ekki síðan gaus í Vestmannaeyjum. Við tókumst á við það saman, við tökumst á við þetta saman og látum ekki hugfallast,“ sagði Víðir að lokum. Almannavarnir Grindavík Eldgos á Reykjanesskaga Mest lesið Biðst afsökunar en segist hvorki þuklari, flassari né dónakarl Erlent Reyndist fjölmennt matarboð „þar sem gleðin var við völd“ Innlent Komst ekki heim frá Íran fyrr en mánuði eftir árásirnar Innlent „Ég held að það sé nú best að anda rólega“ Innlent Skógasafn vill Gunnfaxa en beðið svara eigenda Innlent „Það nægir ekki ESB að rústa eigin iðnaðarframleiðslu“ Innlent Leita leiða til að kveða ranglega útgefnar sektir í kútinn Fréttir Segir eðlilegast að strandveiðiheimildir verði fyrir utan alla potta Innlent Áhugi ungra stráka á Druslugöngunni kom skemmtilega á óvart Innlent „Góðu fréttirnar eru að það sem hann segir skiptir engu máli“ Erlent Fleiri fréttir Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Sjá meira
Hér fyrir neðan má sjá ræðu Víðis í heild sinni með viðbættum kaflaskiptingum: „Núna á ellefta tímanum upplýsti Veðurstofa Íslands Almannavarnir um að ekki væri hægt að útiloka að kvikugangurinn sem er að myndast gæti náð til Grindavíkur. Vegna þessa hefur Lögreglustjórinn á Suðurnesjum tekið ákvörðun, í samráði við Almannavarnir að rýma Grindavíkurbæ og Almannavarnir hafa samhliða lýst yfir neyðarstigi. Nýjustu gögn Veðurstofunnar sýna talsverða færslu og stóran kvikugang sem er að myndast og gæti opnast, og legið þá frá suðvestri til norðausturs. Ákvörðun þessi er tekin með öryggi íbúa í huga. Mikilvægt er að allir sýni stillingu, því við höfum ágætan tíma til að bregðast við,“ sagði Víðir í ræðu sinni. Íbúum skylt að yfirgefa bæinn „Athugið að íbúum er SKYLT að rýma hús sín og yfirgefa bæinn. Þetta er ekki neyðarrýming,“ tók Víðir sérstaklega fram. „Það er beiðni okkar til íbúa Grindavíkur að yfirgefa bæinn án óðagots. Það er ekki bráð hætta yfirvofandi, rýmingin er fyrst og fremst fyrirbyggjandi með öryggi allra Grindvíkinga í fyrirrúmi. Allar leiðir eru nú lokaðar til Grindavíkur, nema fyrir neyðartilfelli og þarf fólk að gefa sig fram á lokunarpóstum. Er það gert til að liðka fyrir umferð frá Grindavík. Er um að ræða Suðurstrandaveg og Nesveg. Grindavíkurvegur er enn lokaður. Akið varlega, það er dimmt, og margir verða á ferðinni. Förum okkur að engu óðslega.“ Leiðbeiningar til íbúa Grindavíkur „Samkvæmt rýmingaráætlun Grindavíkur er nauðsynlegt að: Allir fjölskyldumeðlimir séu með það sem þarf, m.a. lyf og aðrar nauðsynjar. Einnig er gott að taka eigin kodda og sæng, sérstaklega ef þið áætlið að gista í fjöldahjálparstöð Neyðarlínan sendir SMS, kemur frá 112, ekki er öruggt að SMS berist öllum. Lokið gluggum, aftengið rafmagnstæki og gangið tryggilega frá heimilinu Setjið miða á áberandi stað í glugga eða hurð sem snýr út að götu sem sýnir að húsið sé rýmt Hugið að nágrönnum ykkar og samstarfsfólki ef hægt er Akið varlega, innanbæjar og eftir að komið er út úr bænum Takið upp gangandi fólk ef þarf og rými er í bílnum Hlustið á útvarp og fylgist með fjölmiðlum“ Nauðsynlegt að íbúar skrái sig í síma 1717 „Söfnunarmiðstöð innan Grindavíkur er í íþróttamiðstöðinni ef fólk þarf aðstoð út úr bænum, þar er ekki skráning. Því er ekki nauðsynlegt að koma við á söfnunarmiðstöð ef ekki er þörf á aðstoð við rýmingu. Einnig er hægt að hafa samband við 112 til að fá aðstoð. Ef ekki er símasamband, setjið hvíta veifu á hurð eða glugga ef ykkur vantar aðstoð. Skráning verður í fjöldahjálparstöðvum í Kórnum, Vallaskóla á Selfossi og í íþróttamiðstöðinni á Sunnubraut í Reykjanesbæ. Þau sem vilja fara beint til vina og ættingja geta hringt í 1717 til að skrá sig. Þau sem hafa nú þegar farið út úr bænum en hafa ekki skráð sig þurfa að hafa samband við 1717 og skrá sig. Við minnum á hjálparsíma Rauða krossins, 1717, þangað er hægt að hringja til að fá upplýsingar,“ sagði Víðir Almannavarnir hafa ítrekað sérstaklega að þeir íbúar sem yfirgáfu bæinn fyrr í kvöld þurfi líka að skrá sig í síma 1717. Lokaáminning til fólks „Við viljum ítreka að íbúum er SKYLT að rýma hús sín og yfirgefa bæinn. En við viljum líka ítreka að þetta er ekki neyðarrýming, það er nægur tími til að undirbúa sig, ganga frá og keyra út úr bænum í rólegheitum. Við minnum aftur á að fjöldahjálparstöðvar eru í Vallaskóla á Selfossi, Íþróttahúsinu við Sunnubraut í Reykjanesbæ og í Kórnum í Kópavogi. Vegna rýminganna hefur verið ákveðið að fara á neyðarstig Almannavarna. Það er ljóst að við erum að fást við atburði sem við Íslendingar höfum ekki upplifað áður, allavega ekki síðan gaus í Vestmannaeyjum. Við tókumst á við það saman, við tökumst á við þetta saman og látum ekki hugfallast,“ sagði Víðir að lokum.
Almannavarnir Grindavík Eldgos á Reykjanesskaga Mest lesið Biðst afsökunar en segist hvorki þuklari, flassari né dónakarl Erlent Reyndist fjölmennt matarboð „þar sem gleðin var við völd“ Innlent Komst ekki heim frá Íran fyrr en mánuði eftir árásirnar Innlent „Ég held að það sé nú best að anda rólega“ Innlent Skógasafn vill Gunnfaxa en beðið svara eigenda Innlent „Það nægir ekki ESB að rústa eigin iðnaðarframleiðslu“ Innlent Leita leiða til að kveða ranglega útgefnar sektir í kútinn Fréttir Segir eðlilegast að strandveiðiheimildir verði fyrir utan alla potta Innlent Áhugi ungra stráka á Druslugöngunni kom skemmtilega á óvart Innlent „Góðu fréttirnar eru að það sem hann segir skiptir engu máli“ Erlent Fleiri fréttir Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Sjá meira